لي آيام سارح ما يشد انتباهي شي
يمر الكلام المختلف كنّه العادي
تحاصرني الدنيا واموري مثل ما هي
الازعاج يملى مجرياتي وأنا هادي
أحس إني أملك كل حاجة مابين يدي
وأحس اني الخسران من كثرة عنادي
وآحس بشعورٍ مضطرب بين شمس وفي
مع اللي مغرّبني وانا آعيش فـ بلادي
يجوز اني أفنى من شعور الوجع والكي
لو إني ماآغني كل ما طاب مقعادي
انا ما زهمت الشعر مرة وقال شويّ
متى ما تواعدنا يجي حسب ميعادي
حبيبي لا زال يمرني لـ انعكاسك ضي
مثل ما يمر الحسد فـ قلوب حسادي
متى ماانتشر ريح المطر في زوايا الحي
يعم السكوت ويرتفع صوتك ينادي
من تخاف ينسى ويتمادي بدرب الغي
يشوفك متى ما شاف نور القمر بادي
مع الشعر لك ميعاد مادام راسي حي
وانا كل يوم آهيم لي في طرف وادي .
