Мир сегодня с "Юрий Подоляка"

Труха⚡️Україна

Паглядзець

Николаевский Ванёк

Паглядзець

Мир сегодня с "Юрий Подоляка"

Паглядзець

Труха⚡️Україна

Паглядзець

Николаевский Ванёк

Паглядзець

PhD Ustoz

Tadqiqotchilar uchun yordam
phduztoz.uz

Рэйтынг TGlist

ТыпПублічны

Вертыфікацыя

Не вертыфікаваны

Надзейнасць

Не надзейны

Размяшчэнне

МоваІншая

Дата стварэння каналаJan 27, 2025

Дадана ў TGlist

Mar 24, 2025

Я ўладальнік канала

Гісторыя змяненняў

Прыкрепленая група

PhD Ustoz muhokamasi

Статыстыка Тэлеграм-канала PhD Ustoz

Падрабязней

Падпісчыкаў

273

24 гадз.00%Тыдзень

72.6%Месяц

3816.2%

Індэкс цытавання

0

Згадкі2Рэпостаў на каналах0Згадкі на каналах2

Сярэдняе ахоп 1 паста

143

12 гадз.1430%24 гадз.1430%48 гадз.1300%

Узаемадзеянне (ER)

3.5%

Рэпостаў3Каментары0Рэакцыі2

Узаемадзеянне па ахопу (ERR)

0%

24 гадз.0%Тыдзень

4.64%Месяц

6.3%

Ахоп 1 рэкламнага паста

143

1 гадз.00%1 – 4 гадз.00%4 - 24 гадз.1510.49%

Падрабязней

Падключыце нашага бота да канала і даведайцеся пол аўдыторыі гэтага канала.

Усяго пастоў за 24 гадзіны

0

Дынаміка

Апошнія публікацыі ў групе "PhD Ustoz"

Усе пасты

11.04.202507:04

Sifatli maqolalarni tez topish

Ba’zida ilmiy ishingiz doirasida avvalo yuqori impakt faktorli jurnallarda nashr etilgan maqolalarni ko’rib chiqish kerak bo’lishi mumkin.

Google Scholar orqali maqola qidirganda, ularning sifatini bilish uchun har birini ichiga kirib, keyin jurnalni Scimago yoki Scopus saytlaridan reytingini ko’rish kerak bo’lar edi.

Endi esa ExCitation Chrome ilovasi bilan bu ish oson. Ushbu ilova brauzeringizga o’rnatilgan bo’lsa, Google Scholar avtomatik tarzda maqolalar chiqqan jurnallar reytingini ko’rsatadi.

Ilovani o’rnatish uchun:
1. Ushbu saytga kiring: https://chromewebstore.google.com/detail/excitation-journal-rankin/aolbomhlimkdakklifkocohcgpmojdia
2. O’rnatish tugmasini bosing.
3. Google Scholar saytida maqolalar qidiruvini boshlang, va natijalarni ko’ring

Manba

Tajribali tadqiqotchilardan maslahat olish
Ilmiy ishlaringizni tekshirtirish
Kanalga ulanish uchun: @phdustoz

03.04.202511:59

Ko‘pchilik talabalar o‘qiydi. Lekin hamma ham ma’lumotlarni eslab qola olmaydi.

Qanday qilib o‘qiganlaringizni eslab qolish mumkin?

Ko‘pchilik bilim olish uchun qayta o‘qish yetarli deb o‘ylaydi. Lekin tadqiqotlar buni inkor qiladi.

🔍 So‘roq usuli yodda saqlashni kuchaytiradi:
1️⃣ Savollaringizni shakllantiring
– O‘qishdan oldin, matndan qanday savollarga javob izlamoqchi ekanligingizni yozib oling.
2️⃣ Javoblarni qidiring
– Maqsadli o‘qing, oldindan belgilangan savollarga javob topishga harakat qiling.
3️⃣ Tekshiruv vaqti
– Matnni yopib, javoblarni yoddan aytib bering.
Ushbu jarayonda miyangiz qiynalgan sari yangi neuro bog’lamalarni hosil qiladi.

Bu usul nega samarali?

🎯 Bilimni iste’mol qilishni bilim ishlab chiqarishga aylantiradi.
📖 Ma’lumotni yoddan aytib berishga harakat qilish uni qayta ko’rib chiqishdan ko’ra hotira uchun foydaliroq.
🧠 Miya passiv o‘rganishni emas, faol muammolarni hal qilishni yoqtiradi.
✨ Eslab qolish uchun harakat qilganda siz bo‘shliqlaringizni topasiz.
🔄 Har safar axborotni hotiradan eslashga urinish, uni kelajakda eslay olish qobiliyatini mustahkamlaydi.

🚀 Bilimni iste’mol qilishni to‘xtating. Miyangizni mashq qilishni boshlang!

Manba

Do’stlaringizga ham ulashing @phdustoz

31.03.202508:50

Hurmatli do'stlar,

Barchangizni Ramazon hayiti bilan tabriklab, bu hafta maslahat xizmati uchun ustozlarimiz bilan 50% gacha chegirma e'lon qilamiz.

Saytimizdan tashqari, ushbu xizmatga quyidagi havola orqali yozilish ham mumkin:

https://docs.google.com/forms/d/e/1FAIpQLSetAWh5mOyHgjVPfX18feWsqu6wVYE6Aq0yjjZdqmF7Wavhmg/formResponse

28.03.202506:12

Tez maqola yozish qo‘llanmasi 📝

Agar ilmiy maqola yozmoqchi bo‘lsangiz, bu qo‘llanma sizga tez va samarali ish olib borishga yordam beradi!

1️⃣ KIRISH:
1-paragraf: Muammoni bayon qiling – nega bu muhim?
2-paragraf: Adabiyotlarda bu masalada nima ma’lum va nima noma’lum ekanligini tushuntiring.
3-paragraf: Tadqiqotingiz maqsadi va gipotezasini ayting – bilim bo’shlig’ini qanday to’ldirmoqchisiz?

2️⃣ USLUBLAR (METODLAR) - muammoni yechishda nimalar qilganingizni ayting:
Ma’lumot manbasi: Qanday ma’lumotlardan foydalandingiz?
Ishtirokchilar: Kimlarni o‘rgandingiz?
Natijalar: Nimani o‘lchadingiz/o’rgandingiz?
Statistik/Matn tahlili: Qanday usullarni ishlatdingiz?

3️⃣ NATIJALAR:
Natijalarni obyektiv yoriting – tahlil yoki o’z fikringizni berishdan tiyiling.
Muhim natijalarni avval yoriting – mantiqiy ketma-ketlikda.
Barcha natijalarni yoriting (ham ijobiy, ham salbiy).
Jadvallar yoki grafiklarda keltirilgan narsalarni ko’p takrorlamang.

4️⃣ MUHOKAMA:
1-paragraf: Natijalarni maqsad/gipotezalaringiz asosida umumiy xulosa qiling.
2-3-paragraflar: Natijalaringizni boshqa tadqiqotlar bilan solishtiring.
4-paragraf: Tadqiqotingiz kamchiliklarini tan oling, shuningdek ularni bartaraf etishga bo’lgan harakatlarni aytib o’ting.
5-paragraf: Tadqiqot natijalarining ahamiyatini muhokama qiling.

5️⃣ XULOSA:
Tadqiqot natijalari nimani anglatishini tushuntiring.
Kelajakdagi tadqiqotlar nimalarga e’tibor berishi kerakligini ayting.
O‘quvchining yodida qoladigan xulosa bering.

Manba

👉 Ushbu qo’llanma sizning uslubingizdan qanday farq qiladi?
Do’stlaringizga ham ulashing @phdustoz

😳 Tadqiqot muammolaringizni hal etish uchun: https://phdustoz.uz/

24.03.202507:19

📢 Maslahat xizmati ishga tushdi!

Hurmatli do‘stlar,
Loyihamiz avvalida va’da berganimiz - birga-bir maslahat xizmati endi test rejimida ishlay boshladi! 🎉

Unda siz:
🔹 Tadqiqot qilish
🔹 Metodlar
🔹 Maqola yozish
🔹 Xorijda PhDga kirish
🔹 Grant va stipendiyalar
... va boshqa masalalar bo‘yicha tajribali ustozlardan onlayn maslahat olishingiz mumkin.

Ustozlarimiz bilan tanishing:

📌 Nigora Mamadaminova – doktorantura tadqiqotchisi, Ijtimoiy fanlar maktabi, Ta’lim fakulteti, University of Warsaw, Polsha
Profilga o‘tish: https://phdustoz.uz/instructor-public-account/4/

📌 Bekzod Zakirov – doktorantura bitiruvchisi, Davlat boshqaruvi maktabi, The University of Tokyo, Yaponiya
Profilga o‘tish: https://phdustoz.uz/instructor-public-account/5/

📌 Yulduzkhon Abdullaeva – post-doktorantura tadqiqotchisi, Molekulyar mikrobiologiya va biotexnologiya instituti, University of Münster, Germaniya
Profilga o‘tish: https://phdustoz.uz/instructor-public-account/6/

📌 Ikboljon Sobirov – doktorantura tadqiqotchisi, Tibbiyotda sun’iy intellekt, University of Oxford, Angliya
Profilga o‘tish: https://phdustoz.uz/instructor-public-account/7/

📌 Xudoyberdi Abdivaitov – doktorantura tadqiqotchisi, Geoinformatika kafedrasi – Z_GIS, Salzburg universiteti, Avstriya
Profilga o‘tish: https://phdustoz.uz/instructor-public-account/8/

📢 Qanday yozilish mumkin?
Tegishli ustoz profilida "MASLAHATGA YOZILISH" tugmasini bosib maslahatga yoziling!

📩 Do‘stlaringiz bilan ulashing – ularga ham foydali bo‘lishi mumkin! @phdustoz

19.03.202506:44

Ilmiy paragraf yozish

Ustozlarimizdan biri, Germaniyaning Munster universiteti Molekulyar mikrobiologiya va biotexnologiya instituti post-doktorantura tadqiqotchisi Yulduzkhon Abdullaevadan ilmiy matnlarni yozish bo’yicha maslahat

Bizni kuzatib boring @phdustoz

18.03.202504:56

PhD Jarayoni: Qiyinchiliklar va Kutilmagan Saboqlar

Avvalgi maqolaning mantiqiy davomi sifatida quyidagi maqolada ustozlarimizdan biri Varshava universiteti Ta’lim fakulteti doktoranti Nigora Mamadaminova PhD o’qish davridagi o’z tajribalari bilan bo’lishadi. maqolani o'qish uchun quyidagi havolani bosing:

https://telegra.ph/PhD-Jarayoni-Qiyinchiliklar-va-Kutilmagan-Saboqlar-03-18

Bizni kuzatib boring: @phdustoz

17.03.202511:52

Oxford universitetida tibbiyotda sun’iy intellekt bo’yicha tadqiqot qilayotgan vatandoshimiz Ikboljon Sobirov yozmoqdalar:

“PhD qilmang!

Mendan juda ko‘p “PhD qilaymi?” deb so‘rashadi. Mening javobim deyarli har doim bir xil: Yo‘q. Faqat meni ishontira olsangizgina bu qaroringizni qo‘llab quvvatlayman. Bu keskin raddiyadek tuyulishi mumkin, lekin gap shundaki, juda ko‘p odamlar PhD’ni noto‘g‘ri sabablar uchun boshlashadi.

Ba’zilari buni magistraturadan keyingi tabiiy qadam deb o‘ylashadi, boshqalari esa ism oldiga “Dr.” unvonini qo‘shish istagida bo‘lishadi yoki shunchaki hayotlarida nima qilishni bilishmaydi. Bu sabablardan hech biri PhD uchun yetarli emas.

PhD — bu shunchaki navbatdagi bir diplom emas, balki yuqori darajadagi chidamlilik, sabr va intellektual mehnat talab qiladigan yo‘l. Bu jarayon uzoq davom etadi, ko‘pincha yolg‘iz holda ishlashga majburlaydi va muvaffaqiyatsizlik, o‘ziga ishonchsizlik va original tadqiqot yaratish uchun doimiy bosim ostida bo‘lishni anglatadi. O‘qish va imtihonlar bilan tugaydigan darajalar farq qilib, PhD aniq strukturaga ega emas va muvaffaqiyat kafolatlanmagan. Yillar davomida muayyan muammolar ustida ishlashingiz mumkin, lekin oxirida gipotezangiz noto‘g‘ri chiqishi yoki kimdir sizdan oldin shu mavzuda maqola chop etgan bo‘lishi mumkin. Misol uchun, kechagi kuni bir yarim yildan beri eksperiment qilib ketayotgan o‘rtog‘imning eksperiment natijalari noto‘g‘ri chiqdi va £8000 qiymatga ega qilingan ish bekor bo‘ldi. Qayta bajarish kerak endi.

Bu vaqt ichida hayot o‘z yo‘lida davom etaveradi. Industriya yoki biznes yo‘lini tanlagan tengdoshlaringiz esa o‘z karyerlarida ilgarilab, moliyaviy erkinlikka erishib, o‘z sohalarida yetakchi bo‘lish uchun zarur ko‘nikmalarni oshirib borishadi. Shu yerda imkoniyat xarajati (opportunity cost) degan tushuncha kerak bo‘ladi. Har bir PhD’ga sarflangan yil — bu ko‘proq maosh olish, hayotni moliyaviy mustahkamlash va amaliy tajriba orttirish imkoniyatini qo‘ldan boy berish degani.

Agar PhD sizning kelajakdagi maqsadlaringiz uchun aynan kerak bo‘lmasa va uni hech qanday boshqa yo‘l bilan o‘rnini bosa olmasangiz, bu qurbonlikka arzimaydi.

Shunday bo‘lsa-da, ayrimlar uchun PhD haqiqatdan ham to‘g‘ri qaror bo‘lishi mumkin. Agar sizni biror tadqiqot savoli qiynayotgan bo‘lsa va bunga mutlaqo berilib ketgan bo‘lsangiz, agar bu bosqichdan o‘tish siz orzu qilgan kasbiy yo‘l uchun zarur bo‘lsa, masalan, ilmiy tadqiqotchi yoki professor bo‘lishni istasangiz, unda bu qarorni o‘ylab ko‘rish maʼqul. Lekin faqat istakning o‘zi yetarli emas. Siz bu yo‘lning qiyinchiliklari, moliyaviy va psixologik yo‘qotishlari, noaniqliklari bilan rozi bo‘lishingiz kerak. Agar hamma jihatlarini hisobga olib, baribir bu yo‘ldan boshqa tanlovingiz yo‘qligini his qilsangiz, unda bu haqiqatan ham siz uchun to‘g‘ri qaror bo‘ladi.

PhD uchun hujjat topshirishdan oldin, o‘zingizga bir savol bering: "Men bu ishni qilishim kerakligini qanday isbotlay olaman?" Agar aniq, asosli dalillar keltira olsangiz, bu yo‘ldan borish kerak. Aks holda, PhD qilmang.

Oxford, UK
9 March 2025”

📚 Xo’sh, sizchi? Nima sababdan PhD qilmoqdasiz (qilmoqchisiz)? @phdustoz

14.03.202505:18

📚Jurnal topish - maqolangizga eng mos jurnalni qanday tanlash mumkin?

Maqola tayyor bo’lish arafasida qaysi jurnalga topshirishni o’ylay boshlaymiz.
Mavzuimizga mos, qabul qilish ehtimolligi baland, tekshirishni yillab kuttirmaydigan jurnal bo’lishini istaymiz.

Quyidagi jurnal qidiruvchi vositalar sizga as qotishi mumkin. Foydali tomoni siz u yerga faqat mavzu/yo’nalish nomini emas, balki maqolangiz annotatsiyasi (abstract)ni yozib shunga mos jurnallarni topishingiz mumkin.

🔍 Jurnal qidirgichlar:

✅ Elsevier Journal Finder https://lnkd.in/eCRSbvv4
✅ Web of Science https://lnkd.in/eWk87Nzq
✅ Wiley Journal Finder https://lnkd.in/eCyUAjB3
✅ Jane, Journal Author Name Estimator https://lnkd.in/eF2eg4P5
✅ IEEE Publication Recommender https://lnkd.in/ebq-Ke8M
✅ Jot: Journal Targeter https://lnkd.in/ezmhfNff
✅ Edanz Journal Selector https://lnkd.in/epvypZ5d
✅ Sage Journal Recommender https://lnkd.in/et5_P2Kw
✅ Springer Journal Finder https://lnkd.in/eY2RiZAZ
✅ MDPI Journal Finder https://lnkd.in/eEMrtcJe
✅ EndNote Manuscript Matcher https://lnkd.in/eJpXmZ54
✅ Taylor & Francis Journal Suggester https://lnkd.in/eZtDawzn research/choosing-a-journal/journal-suggester/
✅ ENAGO OPEN ACCESS JOURNAL FINDER https://lnkd.in/epZBkXWn
✅ Researcher.Life Journal Suggester https://lnkd.in/eKibJZYX
✅ TRINKA AI https://lnkd.in/eb6Dt52f

📌 Mos jurnallarni topgach, avvalo ularning maqsad va qamrovini o’qib ko’rish kerak.
📌 So’ngra esa oxirgi maqolalarni ko’rib chiqish kerak. Bular sizga maqolangiz qanchalik bu jurnalga mos kelishini hal qilishga yordam beradi.
📌 Shuningdek, qabul qilish darajasi (acceptence rate), hamda bir yilda necha marta chiqishini bilish ham qaror qabul qilishga yordam beradi.
📌 Oxirgi masala esa, jurnal faqat ochiq kirishdami (open access), narxi qancha yoki tekinga ham maqola chiqarish imkoni bormi kabilarni tekshirish kerak.

Siz jurnal topishda nimalarga e’tibor berasiz? @phdustoz

12.03.202509:57

🚀 Bepul tadqiqot vositalari

Agar universitetingiz pullik tadqiqot vositalaridan foydalanishga imkoniyat yaratmagan bo’lsa, bepul muqobillardan foydalansangiz bo’ladi, va ularning pullik xizmatlardan hech kam joylari yo’q.

Pullik va Bepul tadqiqot vositalari:

📖 Adabiyotlar qidiruvi
💰 Scopus, Web of Science
✅ PubMed, Google Scholar

📑 Adabiyotlar ro’yhatini tuzish
💰 EndNote
✅ Zotero, Mendeley

🎨 Illyustratsiyalar va grafiklar
💰 BioRender
✅ NIH BioArt

📊 Ma’lumotlar tahlili
💰 SPSS, SAS
✅ R, Python

📋 So‘rovnomalar
💰 Qualtrics, SurveyMonkey
✅ Google Forms

📝 Yozish
💰 Microsoft Word
✅ Google Docs

Manba

💡 Siz yana qanday bepul vositalarni qo‘shgan bo‘lardingiz? Fikrlaringizni izohlarda qoldiring! @phdustoz

07.03.202507:24

Tadqiqotingiz qanday global muammoni hal qilishga hissa qo'shmoqda?

2015-yilda BMT a’zolari qashshoqlik, iqlim o’zgarishi, adolatsizlik hamda tengsizlikka qarshi kurash uchun 2030-yilgacha 17 ta maqsadni belgilab olishdi.

Quyidagi saytda siz ushbu maqsadlar tarkibiga kiruvchi vazifalar haqida ma’lumot olishingiz, hamda tadqiqotingiz qaysi maqsad va vazifalarni hal etishga yordam berishi mumkinligi haqida o’ylab ko’rishingiz mumkin. Deyarli hamma soha qamrab olingan.
https://theglobalacademy.ac/goals-and-targets/

Shuningdek, o’z tadqiqotchi sahifangizni ochib, bu haqida ma’lumot berishingiz, hamda sizning yo’nalishga yaqin sohalarda dunyo bo’ylab tadqiqot qilayotgan boshqa tadqiqotchilar haqida ma’lumot olishingiz mumkin.
https://theglobalacademy.ac/researchers/

Bizni kuzatib boring @phdustoz

05.03.202505:03

Doktoranturada omon qolish siri qanday?

Ko‘pchilik doktoranturani faqat yuksak aql va buyuk kashfiyotlar bilan bog‘liq deb o‘ylaydi. Aslida esa, bu daholikdan ko’ra chidamlilik sinovidir. Doktorantura rad etilish, cheksiz tahrirlash va shubha-gumonlarga to’la uzun yo’ldir. Tadqiqot rejangiz parchalab tashlanishi yoki ilmiy rahbaringizdan juda keskin va ochiq fikrlar eshitish jarayonning ajralmas qismidir. Hattoki Albert Eynshteyn o‘z PhD dissertatsiyasini qayta yozishga majbur bo‘lgan va keyinchalik ushbu ishi fizikadagi eng ko‘p iqtibos keltiriladigan ishlar qatoriga kirgan.

Muvaffaqiyatning siri nimada? Muvaffaqiyatsizlikni qabul qila olish, va undan taslim bo‘lish uchun emas, balki oldinga intilish uchun foydalanishdir.
Perfeksionizm (komillikka intilish) doktoranturani tugatishdagi eng katta to‘siqlardan biridir. Har bir detalni mukammallashtirishga yillab sarflash kimgadir “qiziqarli” tuyulishi mumkin. Lekin haqiqat shuki, mukammallikdan ko’ra olg’a yurish muhimroqdir. Muvaffaqiyatga erishgan doktorantlar – mukammal ish yozaman deb yillab vaqt sarflaydiganlar emas, balki o’z ishini kamchiliklari bilan bo‘lsa ham topshiradiganlardir.
Marie Kyurining dissertatsiyasida xatolar ko’p bo’lgan, ammo shunga qaramay PhD darajasini olgan va keyinchalik ikki marta Nobel mukofotiga sazovor bo‘lgan. Bundan asosiy saboq shuki: "Mukammal dissertatsiya emas, balki tugaydigan dissertatsiya uchun harakat qiling." Xatolar bo’lsa ham, yozishda, tahrirlashda va oldinga harakat qilishda davom eting.

Doktoranturadagi eng qiyin holat bitirish marrasi doim uzoqlashayotgandek tuyulishidir. Yaqinlashdim deb o’ylaganingizda, qandaydir muammo chiqadi. Qancha masofa qolgani haqida o‘ylash o‘rniga, muammolarni birma-bir hal qilishga e’tibor qarating. Kichik g‘alabalar sizga ishonch va tezlik bag‘ishlaydi.
Tomas Edison lampochkani ixtiro qilishdan oldin minglab marta muvaffaqiyatsizlikka uchragan. PhD talabalari ham xuddi shunday – faqat lampochka o‘rniga tadqiqot savollari, qoralamalar va tahrirlar bilan kurashishadi.

Demak, bitirish siri hammasini birinchi urinishdayoq mukammal qilish emas, balki vaqtida hozir bo’lish, to‘xtamaslik, davom etish va oxir-oqibat seni “Doktor” deb atashlariga erishishdir.

Siz to’xtab qolmayapsizmi? @phdustoz

04.03.202504:30

Plagiat haqida

Ilm qilar ekanmiz, imkon qadar “plagiat”dan qochishga intilamiz. Xo’sh plagiat o’zi nima va qanaqa turlari bor? Avvalambor, shuni ta’kidlamoqchimizki, bu global muammo bo’lib, bu illatga qarshi kurashish oson emas. Tarixdan misol, ko’pchiligimiz Germaniya Mudofaa vaziri lavozimida ishlagan Karl-Theodor zu Guttenberg tomonidan yozilgan doktorlik dissertatsiyasida plagiat aniqlanganidan so’ng Bayreut universiteti (University of Bayreuth) uning doktorlik dissertatsiyasini bekor qilgani haqida bilamiz.

Oksford universiteti plagiatni quyidagicha ta’riflaydi: “Plagiat – bu birovning ishini yoki g‘oyalarini o'zinikidek taqdim etish, ularning roziligi bilan yoki roziligisiz, bu materialni o‘z ishiga to‘liq e’tirof etmasdan kiritishdir. Ushbu ta’rif barcha nashr etilgan va nashr etilmagan materiallarga, qo‘lyozma, bosma yoki elektron shaklda bo‘lishidan qat’i nazar, tatbiq etiladi. Plagiat qasddan (bilaturib qilingan) yoki beparvolik bilan, shuningdek, beixtiyor sodir etilishi mumkin. Imtihon qoidalariga ko‘ra, qasddan yoki beparvolik bilan sodir etilgan plagiat intizomiy qoidabuzarlik hisoblanadi.”

YouTube platformasida “Akademik plagiat - plagiatdan qanday qochish kerak - Academic Plagiarism - how to avoid plagiarism” nomli videodarslikda plagiatning keng tarqalgan shakllari va undan qanday qochish kerakligi bo’yicha ma’lumotlar berilgan.

Keng tarqalgan plagiat shakllari quyidagilar:
• To’g’ridan-to’g’ri plagiat (nusxalash / so’zma-so’z) (Direct plagiarism (copying / verbatim)) bu – boshqalar ishining bir qismini asl manbaga havola qilmasdan va qo‘shtirnoqsiz (iqtibossiz) so‘zma-so‘z ko‘chirishdir. Matn ichida havola yoki adabiyotlar ro'yxatida ko'rsatilgan dalili yo'q.
• Mozaik plagiat (patchwork) (Mosaic plagiarism (patchwork)) bu – bir xil umumiy tuzilishga rioya qilgan holda muallifning tilini faqat bir nechta sinonimlardan foydalangan holda qayta ifodalashidir. Matn ichida havola va manba adabiyotlar ro'yxatida mavjud.
• Manbaga asoslangan plagiat (Source-based plagiarism) – bu manbaga noto‘g‘ri iqtibos keltirishdir.
• Parafrazali plagiat (Paraphrasing plagiarism) bu - plagiatning eng keng tarqalgan turlaridan bo’lib, asosan, yaxshi qayta ifodalash ko‘nikmalarining yetishmasligidan sodir bo’ladi.
• Tarjima plagiati (Translation plagiarism) bu – plagiatning nisbatan yangi turi bo’lib, shuni anglatadiki, shaxslar yozma mazmunni olib, uni bir tilga tarjima qilib, so’ngra yana boshqa tilga tarjima qilishdir.
• Avtoplagiat (Self / auto-plagiarism) bu – agar ilgari yozgan ishlaringiz nashr etilgan bo‘lsa, ularni aniq manba sifatida ko‘rsatishingiz kerak. Bir xil ishni bir vaqtning o‘zida taqdim etish ham o‘z-o‘zini plagiat qilish deb hisoblanadi.
• Tasodifiy plagiat (Accidental plagiarism) bu – shaxs manbalarini ko’rsatishni unutganda, manbalarni noto’g’ri iqtibos qilganda yoki beixtiyor manbani ko‘rsatmasdan o‘zgartirishi natijasida yuzaga keladi.
• Plagiatga buyurtma berish (Plagiarism Commissioning) bu - jiddiy akademik huquqbuzarlik bo’lib, boshqa bir shaxs yoki kompaniya (insho yozish xizmatlari) talabalar nomidan baholashning butun yoki bir qismini bajaradi.

Post muallifi Xudoyberdi Abdivaitov

27.02.202509:16

Ko'ring faqat yig'lamang. Doktorantura muammolari bo'yicha suhbat: https://youtu.be/AXWzYXnkVFs?si=BIhnnhvFlIRilyrQ

26.02.202515:27

📚 Adabiyotlarni samarali qidirishning 6 usuli

1️⃣ Mavzuni avvalo qismlarga bo’lib oling.
Masalan:
"Oliy ta'limda o’qitish metodlari" o‘rniga:
• Ta’lim natijalari
• O‘qitish strategiyalari
• Universitet darajasida

2️⃣ Sinonimlardan ustalik bilan foydalaning.
🔍 Bitta so‘z = cheklangan natijalar
🌐 Ko‘p so‘z = cheksiz imkoniyatlar
Masalan, "xorijiy filiallar" uchun:
• Transmilliy ta’lim
• Chet el dasturlari
• Xalqaro universitetlar

3️⃣ Boolean buyruqlari – eng kerakli quroldir
✔️ AND natijalarni toraytiradi (ya’ni ortiqcha narsalar kamroq bo’ladi)
➕ OR natijalarni kengaytiradi
❌ NOT keraksiz ma'lumotlarni chiqarib tashlaydi
Misol: "Masofaviy ta'lim" AND "talaba faolligi" NOT "maktab"

4️⃣ Aniq iboralarni qo‘shtirnoq ichiga oling
Bu usul sizga aynan shu tushuncha bo‘yicha aniq natijalar beradi.
Masalan: "Faol ta’lim strategiyalari"

5️⃣ Chertib-chertib tanlang
• Avval meta-tahlillar
• Faqat ilmiy nashrlar
• So‘nggi 5 yil

6️⃣ Qidiruv bildirishnomasini yoqing
Tadqiqotlar bir joyda turmaydi. Buyrug’ingizga mos yangi tadqiqotlar chiqqanda tizim sizni xabardor qilib turadi 💡
Masalan: Google Scholarda qidiruv natijalari chiqqanda, ekranning chap tomonida pasroqda ✉️ Create an alert (Создать Оповещения) tugmasini bosasiz

Sizni maqolalarni qanday qidirasiz?
Bizni kuzatib boring @phdustoz

Усе пасты