1920 елларда Мәскәү үзәк татар эшче театры сәхнәсендә драма актрисасы буларак төп рольләрне башкара: Фәридә («Кандыр буе»), Мәйсәрә («Зәңгәр шәл»), Зәйнәп («Оргнизатор»), Асия («Аршин мал алан»), Галиябану («Галиябану») һ.б.
Шунда булачак тормыш иптәше – театрны оештыручы һәм сәнгать җитәкчесе Газиз Айдарский (1898-1933) белән танышып, 1924 елның сентябрендә гаилә кора.
Әлеге труппага Мәскәү сәнгать югары уку йортларында (ГИТИС, Мәскәү консерваториясе һ.б.) укучы татар яшьләре Сара Садыйкова, Мәкәрим Мәһдиев, Галләм Саттаров, Асия Измайлова, Гали Ильясов, Гомәр Девишев, Каюм Поздняков, Сәет Булатов, Әсгать Мәҗитов җәлеп ителә.
1926 елдан Мәскәү татар драма труппасы исеме астында һөнәри театрга әверелә. Эшкә һөнәри актерлар чакырыла.
1928 елдан Мәскәү үзәк татар эшче театры булып үзгәртелә. Театр күбрәк Донбасс, Кузбасс, Мәскәү яны, Урал һәм Себергә гастрольләргә чыга.
1933 елда труппаның бер өлеше Татар академия театрының колхоз филиалына күчерелә.
