#ပြောင်းလဲလာတဲ့စစ်ပွဲမျိုးဆက်တွေရဲ့စိန်ခေါ်မှုကို
ဘယ်လိုရင်ဆိုင်ကြမလဲ (၁)
လွန်ခဲ့တဲ့ ၂ နှစ် လောက်က မောင်းသူမဲ့
ဒရုန်းတော်လှန်ရေးခေတ်ကို ရောက်ရှိ
လာပြီလား ဆိုတဲ့ ဆောင်းပါးတစ်ပုဒ်ကို
ကျွန်တော် ရေးခဲ့ဖူးပါတယ် ။ဒါပေမယ့်
အနာဂတ်ကို ခန့်မှန်းရေးသားချင်းဖြစ်လို့ ပုံ
နှိပ်မီဒီယာ တွေ က မသုံးရဲဘူး ဆိုတာနဲ့ပဲ
Fb အပေါ်ကို ကျွန်တော်ကောက်တင်
လိုက်ပါတော့တယ် ။
အဲဒီလို တင်ပြီး မကြာပါဘူး ။ ဒရုန်း
တွေကို အားပြုပြီး ရန်သူ က ၁၀၂၇
ဆိုတဲ့ စစ်ဆင်ရေးကြီး ဆင်နွှဲလာပါ
တော့တယ် ။ သေသေချာချာကို စနစ်
တကျ မဟာဗျူဟာ ရေးဆွဲပြီး ပြင်ဆင်
လာခဲ့တာ တွေ့ရတယ် ။
တကယ်တော့ ဒရုန်း အကြောင်းရေး
ခဲ့ တာ အဲဒီအချိန်မှတော့ မဟုတ်ပါဘူး ။
၂၀၂၀ ပြည့်နှစ် စက်တင်ဘာလ ၂၅
မှာ တစ်ကျော့ပြန်ဖြစ်ပွားခဲ့တဲ့ နိုကိုရာ-
ကာရာဘတ် ဒေသ စစ်ပွဲ တစ်ခါမှ
စစ်ရေးအရ အသာစီးမရ ၊မနိုင်ခဲ့ဖူးတဲ့
အဇာဘိုင်ဂျန် တပ်တွေဟာ အာမနီးယား
ကို အသားစီးရခဲ့တယ် ။အာမေးနီးယား
တို့ နယ်မြေအများ
အပြားကို လည်း လက်လွှတ်ခဲ့ရတဲ့
အပြင် ရုရှား လုပ် တင့်ကား (၁၈၅ )စီး
ပါ လက်လွှတ်ဆုံးရှူံးခဲ့ရတယ် ။
ဒီလို ဘာကြောင့် ဖြစ်ရသလဲ ဆိုပြီး
ပြန်ဆန်းစစ်လေ့လာကြည့်တော့
အဇာဘိုင်ဂျန် ဟာ တူရကီနဲ့ အစ္စရေး
ဒရုန်းတွေကို သုံပြီး ခေတ်သစ်ပွဲကို
နိဒါန်းဖွင့်လှစ်နိုင်ခဲ့ခြင်းကြောင့် ဖြစ်ပါ
တယ် ။ဒါဟာ စစ်မက်ရေးရာတော်လှန်
ပြောင်းလဲမှုကြီး ဖြစ်ပြီးလို့ သုံးသပ်မိခဲ့
ပေမယ့် ပြောဖို့ စောနေသေတာရယ်
ကျွန်တော် ဟာ စစ်ပညာရှင်တစ်ယောက်
မဟုတ်တာရယ် ကြောင့် ဒီကာလ
ဟာ သတင်းတော်လှန်ရေးမလွန်ဆန်
နိုင်သေးရင်တောင် သတင်းတော်လှန်ရေး
နဲ့ ခေတ်ပြိုင် ဒရုန်းတော်လှန်ရေး ပေါ်ပေါက်
လာပြီလို့ ရေးခဲ့ဖူးပါတယ် ။
ဒရုန်းနဲ့ပတ်သက်ပြီးတော့ နိုကိုရာ-ကရာဘတ်
ဒေသ စစ်ပွဲကို အခြေခံတဲ့ ဆောင်းပါးနှစ်
ပုဒ် ပုံနှိပ်မီဒီယာမှာ ရေးခဲ့ဖူးသလို FB
ပေါ်မှာ လည်း အကြိမ်ကြိမ်ရေးခဲ့ပြီး ဖြစ်
ပါတယ် ။
အခုတော့ ကျွန်တော့် ရဲ့ ယူဆချက်တွေ
မှန်ခဲ့ပြီလို့ ဆိုရပါတော့မယ် ။
ဆရာရဲကျော် ရဲ့ ဒီစာအုပ် မှာ
ဒရုန်းတော်လှန်ရေး ရောက်ပြီလို့ ဖော်ပြ
လာပြီ ဖြစ်ပါတယ် ။ဒါ့ကြောင့် ဒီကာလ
ဟာ ( ၁၂ ) ကြိမ်မြောက် စစ်မက်ရေးရာ
တော်လှန်ပြောင်းလဲမှု အဖြစ်
ဒရုန်းတော်လှန်ရေးကို ရောက်ရှိခဲ့ပြီ
ဆိုပါတော့ ။
တစ်ဖက်မှာ လည်း စစ်မက်ရေးရာ
တော်လှန်ပြောင်းလဲမှုနဲ့ အတူ စစ်ပွဲမျိုးဆက်
တွေ လည်း ပြောင်းလဲခဲ့ပြီ ဖြစ်ပါတယ် ။
ကျွန်တော်တို့ တွေ လက်ရှိကျင့်သုံးနေတဲ့
ဒုတိယကမ္ဘာစစ်မှာ ဂျာမန်တို့ တီထွင်ဖန်တီး
ခဲ့တဲ့ ချီစစ် တိုက်စစ် ခံစစ် ခွာစစ် ကို
အခြေခံထားတဲ့ အချိန် အလစ်အငိုက် နှင့်
လှ ည့် စား မှုကို အား ပြု စစ်ဆင် သည့်
လှုပ်ရှား စစ် ကစား စစ်ပွဲ
( Maneuver Warfare )
တတိယမျိုးဆက်စစ်ပွဲ ဟာ ကျန်ခဲ့ပြီး
ဖြစ်ပါတယ်။
တစ်ခါ တရုတ်ပြည် ပြည်တွင်းစစ်မှာ
မော်စီတုန်းဖန်တီးခဲ့တဲ့ ပြောက်ကျားစစ် ၊
သောင်းကျန်မှုမျိုးစုံ ၊အကြမ်းဖက်မှုမျိုးစုံ
တို့ကို အခြေခံထားတဲ့ ( Fourth Generation)
( နိုင်ငံရေးကိုအခြေခံပြီကာလရှည်လျားစွာ ကွန်ယက်ဗဟိုပြုတိုက်ခိုက်ရသည့် ဘက်မညီစစ်ဆင်ရေးနည်းလမ်း (Protracted and network warfar)
ဟာ လည်း အာဖဂန်နစ္စတန်မှာ
နောက်ဆုံး အဆုံးသတ်ခဲ့တာတွေ့ရပါတယ် ။
( စကားချပ် ၊ မော်စီတုန်း က ပြောက်ကျားစစ်
ကို အခြေခံခဲ့ပေမယ့် နောက်ပိုင်း ဘင်လာဒင်
တို့ အုပ်စုတွေက သောင်းကျန်းမှုမျိုးစုံ ၊
အကြမ်းဖက်မှုမျိုးစုံတို့ကိုပါ ထည့်သွင်း
ကျင့်သုံးခဲ့တယ်။)
အခုတော့ ဒီစာအုပ်မှာ ပညာရှင်တစ်ယောက်
က ဒရုန်းတွေကို အားပြုစစ်ဆင်တိုက်ခိုက်
ရတဲ့ ပ ဥ္စမ မျိုးဆက်စစ်ပွဲ( Fifth Generation)
ရောက်ပြီး လို့ အတိအလင်းကြေငြာ
ရေးသားလာပြီး ဖြစ်ပါတယ် ။
ဒါ့ကြောင့် ပြောင်းလဲ လာတဲ့ ပဥ္စမမျိုးဆက်
စစ်ပွဲရဲ့ စိန်ခေါ်မှုတွေကို ကျွန်တော်တို့
တုံ့ပြန်ရင်ဆိုင်နိုင်ဖို့ ပြင်ဆင်ထားကြရ
တော့မှာ ဖြစ်ပါတယ် ။
အားတဲ့ အခါ အပိုင်းဆက်တွေနဲ့ ရေး
တင်ပေးပါ့မယ်။
စာကိုး
ရဲကျော် ၏ မျက်မှောက်ခေတ်စစ်ပွဲများနှင့်
ဒရုန်း ၏ အခန်းကဏ္ဍ
စိုးညွန့် ၏ ဒရုန်းစစ်ပွဲ
အောင်မျိုး ၏ မျကမှောက်ခေတ်စစ်မက်ရေးရာ
အယူအဆများ
ဇာနည် ( ဘူမိဗေဒ) ၏ ၂၁ ရာစု စတုတ္ထမျိုးဆက်
စစ်ပွဲ
အောင်နိုင်သူ( ဇွဲကပင် )
