Jizzax viloyatining investitsion jozibadorligini namoyon etish, xalqaro va mahalliy tadbirkorlar o‘rtasida hamkorlik aloqalarini mustahkamlash, yangi investitsiya loyihalarini muhokama qilish hamda ishbilarmonlik muhitini yaxshilash maqsadida Zomin tumanida “Xalqaro biznes forum – Jizzax 2025” tadbiri o‘tkazildi.

Viloyat hokimligi, Tashqi ishlar vazirligi, Investitsiyalar, sanoat va savdo vazirligi, Xorijiy investitsiyalarni jalb etish agentligi hamda qator xalqaro tashkilotlar hamkorligida tashkil etilgan mazkur forumda jahonning 40 ga yaqin davlatidan 300 dan ortiq investor va ishbilarmon doira vakillari, mahalliy tadbirkorlar, davlat organlari va hamkor tashkilotlar ishtirok etdi.

Forum doirasida Jizzax viloyatining investitsiyaviy imkoniyatlari, qishloq xo‘jaligi, sanoat, turizm va xizmat ko‘rsatish sohalari bo‘yicha loyihalar taqdimoti hamda xorijiy investorlar uchun yaratilayotgan imtiyozlar va qulay shart-sharoitlar muhokama qilindi.

Jizzax viloyati hokimi vazifasini bajaruvchi Ulug‘bek Mustafoyev tadbirda ishtirok etib, barcha mehmonlarni samimiy qutladi. Uchrashuvlar davomida savdo-iqtisodiy, investitsiyaviy va sanoat sohalarida hamkorlik qilish istiqbollari muhokama qilindi. Shu bilan birga, viloyatning sanoat infratuzilmasi va qulay biznes muhiti ishtirokchilarga yaqindan tanishtirildi.

Forum doirasida Ulug‘bek Mustafoyev mamlakatdagi elchilar hamda xorijiy biznes doira vakillari bilan qator samarali uchrashuvlar o‘tkazdi. Natijada, bir qator loyihalarni amalga oshirish bo‘yicha dastlabki kelishuvlarga erishildi. Tomonlar o‘zaro manfaatli hamkorlikni kengaytirishga tayyor ekanliklarini ta’kidladilar.

Forum ishtirokchilari uchun maxsus ko‘rgazmalar, B2B formatdagi uchrashuvlar va investitsiya loyihalari taqdimotlari tashkil etildi. Shuningdek, mehmonlar Zomin tumanidagi tabiiy go‘zalliklar va sayyohlik obyektlari bilan tanishish imkoniyatiga ega bo‘ldilar.

Forumning ikkinchi kunida Suffa platosida zamonaviy ekstremal sport turi — Zipline maskani ishga tushirildi. Ushbu inshoot nafaqat havaskorlar, balki professional sportchilar uchun ham mo‘ljallangan bo‘lib, tabiat bag‘rida faol dam olish va adrenalinni his qilish istagidagi fuqarolar uchun yangi imkoniyatlar yaratadi.

Ochilish marosimida viloyat hokimining birinchi o‘rinbosari Zafar Azimov ishtirok etib, mazkur loyihaning ahamiyati haqida ma’lumot berdi. Xorijiy va mahalliy mehmonlar ham tantanali ochilishda qatnashib, Zipline maskanining imkoniyatlari bilan yaqindan tanishdilar.

Yangi loyiha nafaqat turizmni rivojlantirish, balki mahalliy aholi bandligini ta’minlash va yoshlar o‘rtasida sog‘lom turmush tarzini targ‘ib etishda muhim ahamiyat kasb etadi.

Forum doirasida ishtirokchilar Zomin tumanidagi ishlab chiqarish korxonalarini ko‘zdan kechirib, “Zomin texnoparki” maxsus sanoat zonasida tashkil etilayotgan yirik investitsiya loyihalari bilan ham tanishdilar.

“Xalqaro biznes forum – Jizzax 2025” Jizzax viloyatini yangi bosqichda global iqtisodiy hamkorlik sari yetaklovchi muhim maydon bo‘lib xizmat qilmoqda.

2025-yil 24 aprel kuni BMB HOLDING bosh ofisida Holding Kuzatuv Kengashi raisi Bekzod Mamatqulov AQSHning O‘zbekistondagi Favqulodda va Muxtor elchisi Jonatan Xenik bilan uchrashuv o‘tkazdi.

O‘zbekiston mahsulotlari AQSH bozori sari

Uchrashuv avvalida elchi Jonatan Xenikga BMB HOLDING tizimidagi yangidan tashkil etilgan korxonalar, amalga oshirilayotgan loyihalar va erishilgan yutuqlar haqida ma’lumot berildi. AQSHning USDA Organic sertifikati va FDA ruxsatnomasining amal qilish muddati uzaytirilgani mamnuniyat bilan qayd etildi. Bu esa O‘zbekiston mahsulotlarining Amerika bozoridagi raqobatbardoshligini oshirishda muhim omil hisoblanadi.

BMB HOLDING Kuzatuv Kengashi raisi Bekzod Mamatqulovning ta’kidlashicha:
«Biz har doim xalqaro standartlarga mos, ekologik toza va innovatsion yechimlarga asoslangan mahsulotlar yaratishga intilib kelganmiz. Bu boradagi harakatlarimizni kelgusida ham davom ettiramiz.”

Holding bosh ofisidagi shou-rumda sublimatsiya usulida quritilgan meva va sabzavotlar elchi e’tiborini tortdi. U mahsulotlar sifatini yuksak baholab, BMB HOLDING nafaqat iqtisodiy, balki ilmiy-innovatsion salohiyatga ham ega ekanligini ta’kidladi.

Shuningdek, Jonatan Xenik kompaniyaning 8 yillik tarixini aks ettirgan muzey bilan tanishdi. U yerda za’faron va chuqur qayta ishlangan qishloq xo‘jaligi mahsulotlarini AQSHning Walmart va Costco kabi yirik savdo tarmoqlariga eksport qilish bo‘yicha kelishuvlar haqida ma’lumot berildi. Shu bilan birga, McCormick Global Ingredients Ltd kompaniyasi bilan yo‘lga qo‘yilgan uzviy hamkorlik ham qayd etildi.

Jonatan Xenik shunday dedi:
«O‘zbekistondagi yetakchi kompaniyalar ikki mamlakat o‘rtasidagi iqtisodiy hamkorlikka yangi sur’at baxsh etmoqda. BMB HOLDINGNING AQSH bozoridagi ishtiroki quvonarli holat bo‘lib, biz doimo bunday tashabbuslarni qo‘llab-quvvatlashga tayyormiz.”

Uchrashuv chog‘ida yaqin kunlarda BMB HOLDING rahbariyati tomonidan amalga oshirilishi rejalashtirilgan AQSHga biznes tashrifi haqida ham fikr almashildi.

Ushbu tashrif doirasida amerikalik tadbirkorlar bilan uchrashuvlar o‘tkazilishi, yangi hamkorlik yo‘nalishlari muhokama qilinishi kutilmoqda.

Muzokaralar yakunida tomonlar O‘zbekiston va AQSH ishbilarmon doiralari o‘rtasida savdo-iqtisodiy va investitsiyaviy hamkorlikni kengaytirish, eksport hajmi va turini oshirish, shuningdek, muntazam muloqot qilishga kelishib oldilar.

Hududlardagi mahallalarda avtomatlashtirilgan mahalla iste’mol nazorat-hisob balansi joriy qilindi. Shovot, Parkent tajribasi asosida dastlabki jarayonlar viloyatning 13 ta shahar-tumanlaridagi bittadan namunali mahallalardan boshlangan edi. Ta’kidlash lozimki, ushbu hududda avtomatlashtirilgan mahalla iste’mol nazorat-hisob balansi bo‘yicha amaliy ishlarga start berilgan ekan, bevosita iste’molchilarga yetkazib berilayotgan tabiiy gaz ta’minoti avtomatlashtirilgan boshqaruv tizimida olib borilishiga ahamiyat qaratilmoqda.

“Hududgaz Jizzax” gaz ta’minoti filiali tomonidan viloyatdagi ommaviy axborot vositalari xodimlari, mustaqil jurnalistlar, blogerlar uchun nashkil etilgan press-turda ham aynan sohadagi o‘zgarishlar, raqamlashtirish jarayonlari haqida ommaviy axborot vositalari xodimlariga xabar berildi.

Dastlab OAV xodimlariga soha mutaxassislaridan iborat guruh a’zolari Jizzax shahrining Hamid Olimjon mahallasida avtomatlashtirilgan mahalla iste’mol nazorat-hisob balansi bo‘yicha tashkil etilayotgan jarayonlar haqida ma’lumotlar berildi. Ta’kidlash lozim, Jizzax shahrining Hamid Olimjon mahallasida xonadonlarni ikki bosqichli tizimga o‘tkazish hisobiga mavjud ma’nan eskirgan yuqori bosimli gaz taqsimlash punktlarini zamonaviy qurilmaga almashtirish, 0,7 km yer osti gaz quvurlarini yer ustiga chiqarish, gaz tarmoqlarga 6 ta filtr o‘rnatish, gaz tarmoqlardagi ma’nan eskirgan 6 dona zulfin va jumraklarni almashtirish, 197 ta ma’nan eskirgan nostandart gaz jihozini energotejamkor gaz yondirgichiga almashtirish, 2,8 kmdan ortiq gaz quvurlarining estetik jihatdan tartibga keltirish belgilangan ekan, jurnalistlar bevosita jarayonlar bilan tanishtirildi.

Amaliy ishlar natijasi o‘laroq, 2024-yilga nisbatan 91,1 ming metr kub tabiiy gazning tejalishiga erishilishi alohida qayd etildi. Shuningdek, mahalla gazchilari uchun berilgan zamonaviy planshetlarning imkoniyatlari, ularning ahamiyati va qulayligi to‘g‘risida mutaxassislar tomonidan ommaviy axborot vositalari xodimlariga tushuncha va ma’lumotlar berildi. Ommaviy axborot vositalari xodimlari tomonidan berilgan barcha savollarga gaz ta’minoti korxonasining vakillari tomonidan batafsil javoblar berildi.

Preyes-tur ishtirokchilari shu yerda tashkil etilgan energo-tejamkor qurilmalar, turli isitish uskuna va asboblari, reduktor, elektron gaz hisoblagichlar, tejamkor gorelkalar kabi bir qator jihozlar bilan tanishtirildi. Taqdimot marosimida yangi ishlab chiqarilgan qurilmalarning ahamiyati, qulayligi va samaradorligi haqida mutaxassislar tomonidan jurnalistlarga “Hududgaz Jizzax” gaz ta’minoti filiali batafsil ma’lumotlar berildi.

Matbuot anjumani ishtirokchilari mahallada qad rostlagan yangi gaz taqsimlash punkti faoliyati bilan ham tanishdilar.

Bugungi kunda viloyatimizda 132398 ta iste’molchilar suyultirilgan gazdan foydalanib kelmoqda. 2025-yilning 1-choragida iste’molchilarga 5 630,54 tonna suyultirilgan gaz yetkazib berildi.

Iste’molchilarning maishiy gaz ballonlariga bo‘lgan ehtiyojidan kelib chiqib, 2024-yilda qo‘shimcha 9 948 dona maishiy gaz ballonlar yetkazib berildi.

2025-yilda esa qo‘shimcha 8 800 dona maishiy gaz ballonlar yetkazib berish rejalashtirilgan bo‘lib, shundan aholiga 3000 dona maishiy gaz ballonlar yetkazib berildi.

Press-tur ishtirokchilari vohaning olis va chekka hududlarida aholining suyultirilgan gaz bilan ta’minlash qanday yo‘lga qo‘yilganligi bilan tanishish maqsadida Baxmal tumanidagi No‘shkent mahallasida bo‘lishdi. Bugungi kunda tumandagi 30 ta mahallaning 22311 ta aholi iste’molchilari suyultirilgan gazdan foydalanib kelmoqda. 2025-yilning 1- choragida iste’molchilarga 906,74 tonna suyultirilgan gaz yetkazib berildi.

Jizzax viloyati Oila va xotin-qizlar boshqarmasi, “Tadbirkor Ayol” xalqaro ishbilarmon ayollar assotsiatsiyasining Jizzax viloyat bo‘limi va Savdo-sanoat palatasi Jizzax viloyati hududiy boshqarmasi hamkorligida tashkil etilgan tumandararo faol tadbirkor ва hunarmand ayollar bilan uchrashuvlar bir haftadan buyon davom etmoqda.
‍
Jumladan:
📍Arnasoy tumani
📍Mirzacho‘l tumani
📍Do‘stlik tumani
📍G‘allaorol tumani
📍Sharof Rashidov tumani
📍 Jizzax shahrida uchrashuvlar bo'lib o'tdi.

Zafarobodda “Qandli proteinli ozuqa qo‘shimchalari bilan chorva mollarini oziqlantirishning texnologik usullarini ishlab chiqarish” loyihasi tijoratlashtirildi. Unga ko‘ra chorvachilik, parrandachilik va baliqchilik xo‘jaliklari uchun kuniga 10 tonna innovatsion omuxta-yem ishlab chiqarish yo‘lga qo‘yildi.

Chorvachilik va parrandachilik ilmiy-tadqiqot instituti olimlari bilan birgalikda amalga oshirilgan loyiha orqali chorva mollarini qandli proteinli ozuqa qo‘shimchalari bilan oziqlantirishning texnologik usuli joriy etildi.

Mahsulot yirik va mayda shoxli chorva mollarida mineral almashinuvining normallashuvi, sog‘lom nasl olish, rahitning oldini olish, go‘sht va sutning ozuqaviy qiymatini yaxshilash, ozuqa iste’molini kamaytirishga xizmat qiladi. Natijada fermaning rentabelligini oshirishmoqda.

Mazkur yemning mavjud chorvachilik yemlariga nisbatan ozuqaviylik darajasi 2 barobarga yuqori. Ichki bozordagi narxi o‘rtacha hisobda 3000 so‘mni tashkil etmoqda.

🔹 1907-yil — mashhur amerikalik yozuvchi Jek London ikki ustunli kemada dunyo bo‘ylab sayohatga otlandi. Bu sarguzasht uning ijodiga yangi ilhom bag‘ishlagan edi.

🔹 1992-yil — Xitoy poytaxti Pekinda McDonald’s tarmog‘idagi o‘sha davr uchun eng yirik restoran ochildi. 700 kishilik ushbu maskan zamonaviy fast-fud madaniyatining Osiyodagi muhim bosqichiga aylandi.

🎉 Bugun tavallud topgan mashhur shaxslar:

🎀 1804-yil — balet san’atining zabardast yulduzi Mariya Taglioni dunyoga keldi. U baletda tutu libosi va punkt raqslarini joriy etib, bu san’at turini yangi bosqichga olib chiqdi.

🎀 1928-yil — bolaligida butun dunyoni o‘z jozibasi bilan zabt etgan amerikalik aktrisa Shirli Templ tug‘ildi. U hali yoshligida “Oskar” mukofotini qo‘lga kiritgan tarixdagi eng yosh san’atkor bo‘lib qolmoqda.

🎀 1954-yil — tanqidiy nigohi va ijtimoiy-siyosiy satiralari bilan tanilgan amerikalik hujjatli film rejissyori Maykl Mur tug‘ilgan. U o‘z asarlari orqali jamiyatdagi muhim muammolarni dadil tilga olgan.