Мир сегодня с "Юрий Подоляка"

Труха⚡️Україна

Паглядзець

Николаевский Ванёк

Паглядзець

Мир сегодня с "Юрий Подоляка"

Паглядзець

Труха⚡️Україна

Паглядзець

Николаевский Ванёк

Паглядзець

Вясна / Правы чалавека ў Беларусі

Тэлеграм-канал Праваабарончага цэнтру «Вясна». Актуальныя навіны ў галіне правоў чалавека ў Беларусі.
Пра затрыманні пісаць на @viasna_bot, для кансультацый - @ViasnaSOS.
Сувязь з інфармацыйнай службай: @Viasnainfo
Юрыдычная служба: @zvarot96

Рэйтынг TGlist

ТыпПублічны

Вертыфікацыя

Не вертыфікаваны

Надзейнасць

Не надзейны

РазмяшчэннеБілорусь

МоваІншая

Дата стварэння каналаApr 18, 2016

Дадана ў TGlist

Sep 15, 2023

Я ўладальнік канала

Гісторыя змяненняў

Статыстыка Тэлеграм-канала Вясна / Правы чалавека ў Беларусі

Падрабязней

Падпісчыкаў

9 617

24 гадз.

20%Тыдзень

9-0.1%Месяц

52-0.5%

Індэкс цытавання

0

Згадкі2Рэпостаў на каналах0Згадкі на каналах2

Сярэдняе ахоп 1 паста

4 333

12 гадз.1 418

40.5%24 гадз.4 333

122.8%48 гадз.2 115

0.6%

Узаемадзеянне (ER)

0.51%

Рэпостаў5Каментары0Рэакцыі24

Узаемадзеянне па ахопу (ERR)

46.66%

24 гадз.

26.44%Тыдзень

5.37%Месяц

2.76%

Ахоп 1 рэкламнага паста

9 529

1 гадз.1 37814.46%1 – 4 гадз.4975.22%4 - 24 гадз.6 06063.6%

Падрабязней

Падключыце нашага бота да канала і даведайцеся пол аўдыторыі гэтага канала.

Усяго пастоў за 24 гадзіны

7

Дынаміка

Апошнія публікацыі ў групе "Вясна / Правы чалавека ў Беларусі"

Усе пасты

22.04.202513:04

📚Праект 361.1 выпусціў кнігу «Гайд Палітзняволення»

«Наша мэта — не толькі распавесці пра тое, што перажываюць палітзняволеныя кожны дзень, але і нагадаць свету, што беларусы ўсё яшчэ тут, што нам патрэбная падтрымка, і што наш голас не павінен знікнуць.

На працягу паўтара года мы рыхтавалі ўнікальную ілюстраваную кнігу — Гайд Палітзняволення, аснаваную на малюнках палітвязняў, якія мы атрымалі. Гэтыя малюнкі — сведчанні сілы, болю і надзеі.

Беларускамоўную версію ўжо можна замовіць праз наш інстаграм бесплатна! Хутка выйдзе і англамоўная версія».

Падрабязнасці і магчымасць бясплатна замовіць кнігу — на Instagram-старонцы праекту

22.04.202512:15

Збор сродкаў да Міжнароднага дня абароны правоў людзей з інваліднасцю

«Хуткая гуманітарная дапамога» запускае новы збор для падтрымкі людзей з інваліднасцю, якія апынуліся ў складанай сітуацыі праз палітычныя рэпрэсіі.

Куды пойдуць сродкі?

🔸медыкаменты і медыцынскія сродкі (напрыклад, вазкі, бандажы, прылады для рэабілітацыя і іншае);
🔸аплата медыцынскіх маніпуляцый, умяшанняў і кансультацый медыкаў;
🔸аплата сацыяльных таксі і іншых транспартных паслуг, што неабходныя для атрымання медыцынскай дапамогі.

Арганізатары плануюць сабраць 10 000 еўра. Памер выплат для кожнай сям'і будзе залежаць ад іх патрэб. Максімальная сума выплат — 300 еўра.

Падтрымаць збор можна па спасылцы

22.04.202511:30

❗️З'явілася інфармацыя пра знікненне адміністратараў Беларускай Вікіпедыі

Стала вядома, што ў сакавіку знікла сувязь з адміністратарам «Беларускай Вікіпэдыі» Kazimier Lachnovič — яго апошняя праўка была напачатку сакавіка, пасля чаго ён перастаў быць дасяжным у месенджарах.

Акрамя таго, знікла адміністратарка «Беларускай Вікіпедыі» і шматдзетная маці Вольга Сітнік — яе знаёмыя звярнулі ўвагу на ненатуральную актыўнасць з яе акаўнта.

Калі вам вядомыя падрабязнасці іх знікнення, а таксама інфармацыя пра пераслед іншых адміністратараў, калі ласка, пішыце праваабаронцам на @Viasnainfo.

🔗Хроніка палітычнага пераследу

22.04.202510:30

❗️У Беларусі +10 новых палітвязняў

Гэта Алена Добыш, Максім Акулоў, Дзмітрый Хаменкаў, Ігар Гольцаў, Аляксей Пераверзеў, Васіль Арэшка, Вера Кананенка, Сяргей Кардаш, Аляксандр Рыбалка, Міхаіл Нязнанаў.

Хто гэтыя людзі і чаму праваабаронцы лічаць іх справы палітычна матываванымі 👉 spring96.org/be/news/117808

Спіс усіх палітвязняў Беларусі 👉 prisoners.spring96.org

22.04.202509:32

🎬Прэм'ера дакументальнага фільма «Вясны» пра рэсацыялізацыю былога палітвязня адбудзецца на XI Фестывалі нефільтраванага кіно

Кароткаметражны фільм «Цень радасці» расказвае гісторыю былога палітвязня Артура, які пасля трох гадоў зняволення пачынае жыццё з нуля ў Польшчы. Праз яго вочы глядач бачыць цяжкасці адаптацыі: моўны бар’ер, пошук працы, сацыяльную ізаляцыю, настальгію па радзіме і спробы захаваць надзею.

🎫«Цень Радасці» будзе паказаны ў трох гарадах: Вільня (23.04, 19.00, CreateCulture Space), Варшава (25.04, 18.00, Kinoteka) і Хельсінкі (26.04, 19.00, Kitchen Lab Tarvo). Пазней ён будзе даступны для прагляду на ютубе «Вясны».

Падрабязнасці і квіткі тут: https://unfilter.by/schedule/

Над фільмам працавалі Зміцер Пылыпіў і праваабаронца «Вясны» Дзіяна Пінчук.

*Фестываль «Нефільтраванае кіно» з’явіўся як адгалінаванне кінафестывалю Сinema Perpetuum Mobile і праводзіўся ў Мінску на розных пляцоўках. Дзявяты незалежны кінафорум павінен быў прайсці ў 2023 годзе, аднак Мінкульт адмяніў яго.

22.04.202508:20

У Гродне судзяць саўладальніка будынка, дзе знаходзіцца польскае консульства

Спецвытворчасць у дачыненні да Станіслава Буйніцкага СК распачаў 31 студзеня. Яму інкрымінаваная ч. 2 арт 243 КК (ухіленне ад выплаты падаткаў, што пацягнула прычыненне шкоды ў буйным памеры). 2 красавіка ягоную справу пачалі разглядаць у судзе Ленінскага раёна Гродна. Сутнасць абвінавачвання невядомая.

72-гадовы Буйніцкі з 1999 года жыве ў Беластоку. Як паведамляў hrodna.life, ТАА «Форт», у якім Буйніцкі адзін з саўладальнікаў, валодае будынкам на Будзёнага, 48а, дзе знаходзіцца Генконсульства Польшчы.

У 1990-я мужчына быў намеснікам старшыні Саюза палякаў на Беларусі. Эміграваў у Польшчу з палітычных прычын, атрымаў польскае грамадзянства. Пры гэтым праз фірму «Форт» працягваў валодаць офісным будынкам на Будзёнага, 48А. Дзякуючы гэтаму будынак быў ледзь не адзіным месцам у Гродне, дзе маглі здымаць офісы палітычныя партыі і грамадскія арганізацыі, якім з палітычных прычын адмаўлялі ў арэндзе ў іншых месцах.

Калаж: Hrodna.life

22.04.202507:03

66-гадовага педагога са Столінскага раёна абвесцілі «тэрарыстам»

Віктару Кухарчуку 66 гадоў. Ён вучыўся ў Лядзецкай школе ў Столінскім раёне, а пасля на гістарычным факультэце аднаго з універсітэтаў. Усё жыццё працуе ў сферы адукацыі.

Жыве Кухарчук у вёсцы Вялікія Арлы таго ж Лядзецкага сельсавета. Працаваў у Арлоўскай сярэдняй школе, адміністраваў сайт школы.

Педагога асудзілі ў Брэсцкім абласным судзе за «распальванне варожасці» — за каментары з рэзкай крытыкай расійскай агрэсіі ва Украіне. У тэлеграме ён быў падпісаны ўласным іменем, піша «Наша Ніва».

У спісе «экстрэмістаў» педагог пазначаны як чалавек з непагашанай судзімасцю. А ўчора імя Віктара Кухарчука з'явілася і ў спісе «тэрарыстаў», які вядзе КДБ.

21.04.202513:15

✊ Падтрымайце «Вясну» на Patreon альбо аднаразовым данатам

На сёння за кратамі знаходзіцца чацвёра праваабаронцаў «Вясны» — іх асудзілі да пазбаўлення волі толькі за тое, што яны абаранялі правы беларусаў. Нягледзячы на гэта, праваабаронцы і валанцёры «Вясны» працягваюць сваю працу па абароне і фіксацыі парушэнняў правоў чалавека ў Беларусі.

Акрамя магчымасці падтрымаць «Вясну» падпіскай на Patreon, ёсць магчымасць зрабіць і аднаразовы данат праваабаронцам.

Усе сабраныя ахвяраванні будуць накіраваныя на падтрымку дзейнасці арганізацыі, а таксама палітзняволеных вясноўцаў.

❗️Калі ласка, рабіце пераводы толькі, калі для вас гэта бяспечна. Мы настойліва просім не рабіць пераводаў з картак беларускіх ці расійскіх банкаў

💵Падтрымаць «Вясну» аданаразовым данатам
💶Падтрымаць Вясну на Patreon
⁉️«Вясну» прызналі «экстрэмісцкім фармаваннем»: як цяпер супрацоўнічаць з намі?

21.04.202511:31

✊Падорым дзецям палітвязняў летнія вакацыі!

Калі адзін з бацькоў апынаецца за кратамі, а другі вымушаны ратавацца за мяжой, пакутуюць у першую чаргу дзеці. Сёння сотні сем'яў палітвязняў жывуць у эміграцыі, сутыкаючыся з фінансавымі і побытавымі праблемамі. Іх дзеці пазбаўленыя свайго дому, сувязяў і часцяком самага неабходнага.

BYSOL адкрывае традыцыйны збор у падтрымку такіх дзяцей. Гэта не абстрактная дабрачыннасць, а канкрэтная дапамога дзецям, якія проста цяпер маюць патрэбу ў нашай салідарнасці.

На кожнае дзіця да 16 гадоў будзе выплачана па 100 еўра. Заяўкі на атрыманне дапамогі будуць прымацца да 18 траўня ўключна.

Падтрымаць збор па спасылцы

21.04.202509:15

У «спіс тэрарыстаў» дадалі 8 чалавек

Камітэт дзяржаўнай бяспекі абнавіў спіс «асоб, якія маюць дачыненне да тэрарыстычнай дзейнасці» — там з'явіліся прозвішчы васьмі чалавек.

Сярод іх Дзмітрый Удовін, Андрэй Дарошка, Вячаслаў Ільіч, Ігар Кісляк, Віталь Папроцкі, Сяргей Зеляноўскі, Сяргей Горлаў і Віктар Кухарчук.

Цяпер у «тэрарыстычным спісе» 1276 чалавек, з іх 582 — беларусы.

⁉️«І цяпер я бел-чырвона-белы тэрарыст». Адказваем на пытанні пра «спіс тэрарыстаў»

21.04.202507:00

💌Беларусы Масквы павіншавалі ўсіх вернікаў з Вялікаднем і падпісалі паштоўкі беларускім палітвязням!

Гэтым разам лісты і паштоўкі з віншаваннямі з Днём Народзінаў, а таксама словы падтрымкі, павінны атрымаць Каско Аляксандра, Маліноўская Алена, Рыбіна Вольга, Пятух Вольга, Шчыракова Ларыса, Марозава Алена, Лашч Наталля, Калеснікава Марыя, Злобіна Ірына, Кузіна Таццяна!

А таксама заказны ліст адпраўлены Латыпаву Сцяпану!

Паведамленні аб атрыманні лістоў прыйшлі ад Кульша Вікторыі і Барысюк Антаніны.

20.04.202514:34

🧹Шукаем людзей, якіх прымушалі ўдзельнічаць у суботніках

Для прадастаўлення звестак у ААН, збіраем інфармацыю аб суботніках і аб мерах, якія прымаюцца супраць тых, хто ўхіляўся ад такой працы.

Калі вы гатовы падзяліцца інфармацыяй, напішыце, калі ласка, нам — @zvarot96

20.04.202512:02

«Не іх кліенты». Былы арыштант распавёў пра суткі ў 2020-м у арыштным доме пры калоніі для рэцыдывістаў

«Нас адразу вызначылі ў вялікую камеру. Потым да нас прыйшоў начальнік, мабыць, і тады толькі абвясціў, што нас прывезлі ў Ваўкавыск. Ён адразу сказаў: "Вы тут — не нашы", гэта значыць не іх кліенты. Ён сказаў, што мы адседзім свае суткі, і нас адпусцяць.

Чатыры ложкі — чатыры чалавекі. Развіталіся, пазнаёміліся і ляглі спаць. Першы раз паеў у сераду раніцай — на другія суткі затрымання.

Там прасядзеў няпоўныя пяць дзён, можна сказаць, чатыры дні. За гэты час адзін раз мяне вадзілі на допыт — удакладнялі, калі быў затрыманы, пры якіх абставінах, за што. Больш нас нікуды не выводзілі-ні на прагулкі, ні ў душ, ні папаліць. Стаўленне да нас было, я б сказаў, не тое што лаяльнае, а хутчэй наогул нейтральнае, пафігістычнае. Нас не чапалі, але і патуранняў не было. Наогул нічога».

🔹«Не іх кліенты». Былы арыштант распавёў пра суткі ў 2020-м у арыштным доме пры калоніі для рэцыдывістаў

20.04.202509:31

📄 Што пачытаць у нядзелю? Сабралі для вас галоўныя матэрыялы «Вясны» за тыдзень:

🔹«Сюды лепш не трапляць». Як падлеткаў водзяць на турэмныя экскурсіі па ўсёй краіне

🔹«Калі вы скажаце каму, што тут з вамі адбывалася, то мы ўбачымся зноў»

🔹«Жонка закахалася ў ахоўніка Валадаркі і палюбіла гэты рэжым». Былы палітвязень пра сваё зняволенне

🔹Палітзняволенага з польскім грамадзянствам дэпартавалі пасля вызвалення і забаранілі ўезд у Беларусь

🔹«Не іх кліенты». Былы арыштант распавёў пра суткі ў 2020-м у арыштным доме пры калоніі для рэцыдывістаў

🔹«Улады ніколі публічна не асуджалі катаванні». Даклад праваабаронцаў у рамках УПА

🔹«Калі параўноўваць суткі ў 2022-м і 2024-м, то цяпер горш стала», — былы палітвязень пра калонію і арышт пасля вызвалення

💳Падтрымаць «Вясну» на Patreon | Аднаразовым данатам

20.04.202507:04

«За*балі ўжо гэтыя бчбшнікі, забіваць вас трэба». Былы палітвязень пра ўмовы ў ІЧУ аднаго з рэгіянальных гарадоў

«У душ і на шпацыр не выводзілі. Шпацырам яны называлі тое, калі на нас надзявалі кайданкі і мы каля 30-40 хвілін сядзім ці ходзім ў іх па камеры, а потым у нас нібыта "праверка". Яна праходзіць днём прыкладна тры-чатыры разы. Пры гэтым яны любяць да абеда па тры разы прыходзіць.

Пасля абеду даюць да пяці гадзінаў нармальна пасядзець, а потым каля шостай гадзіны надзяваюць кайданкі і а восьмай. У гэты час яны выводзяць нас на калідор падчас шмону, мы стаім на "расцяжках".

Калі толькі заходзіш у ІЧУ кантралёры адразу пачынаюць: "Што вам, пальцы пераламаць? За*балі ўжо гэтыя бчбшнікі, забіваць вас трэба».

🔹«Калі параўноўваць суткі ў 2022-м і 2024-м, то цяпер горш стала», — былы палітвязень пра калонію і арышт пасля вызвалення

Усе пасты

Рэкламаваўся0 секунда

22.04.202512:29Беларусь головного мозга

49.8K

Рэкламаваўся14 месяц

21.04.202519:35Белсат

17.4K

Рэкламаваўся0 секунда

20.04.202517:56Беларусь головного мозга

49.8K

Рэкламаваўся32 месяц

19.04.202513:03Зеркало | Новости

134.2K

Рэкламаваўся30 месяц

18.04.202517:59Белсат

17.4K

Рэкламаваўся1 гадзіна

18.04.202513:07Беларусь головного мозга

49.8K

Рэкламаваўся1 гадзіна

18.04.202512:56Беларусь за МКАДом

8.4K

Рэкламаваўся17 месяц

18.04.202512:42Белсат

17.4K

Рэкламаваўся11 месяц

18.04.202512:39Наша Ніва

24.4K

Рэкламаваўся1 дзень

18.04.202512:27dissidentby

1.2K

Рэкламаваўся35 месяц

18.04.202512:03Наша Ніва

24.4K

Рэкламаваўся18 месяц

17.04.202518:44Белсат

17.4K

Рэкламаваўся8 месяц

17.04.202515:31Зеркало | Новости

134.2K

Рэкламаваўся1 гадзіна

17.04.202510:41Медиазона. Беларусь

5.3K

Рэкламаваўся14 месяц

17.04.202509:55Наша Ніва

24.4K

Падрабязней

Рэкорды

21.08.202423:59

9.9KПадпісчыкаў

15.02.202523:59

3300Індэкс цытавання

14.04.202512:28

6.1KАхоп 1 паста

22.04.202512:46

9.5KАхоп рэкламнага паста

26.10.202423:59

15.50%ER

14.04.202513:30

62.83%ERR

Развіццё

Падрабязней

Падпісчыкаў

Індэкс цытавання

Ахоп 1 паста

Ахоп рэкламнага паста

ERR

Падрабязней

Папулярныя публікацыі Вясна / Правы чалавека ў Беларусі

Усе пасты

28.03.202506:34

Прарасійскую актывістку Вольгу Бондараву, імаверна, арыштавалі на 13 сутак

Пра арышт даносчыцы паведамілі яе расстроеныя сябры з канала «Праваслаўны Супраціў Вялікай, Малой і Белай Русі», піша @nashaniva.

Тэлеграм-канал Бондаравай не аднаўляецца ўжо два дні.

UPD. @zerkalo_io дазванілася да суда, каб даведацца пра лёс даносчыцы.

Суд Маскоўскага раёна Мінска арыштаваў Бондараву на 13 сутак 26 сакавіка.

18.04.202512:00

⚡️Палітзняволены Андрэй Чапюк скончыў адбываць свой тэрмін — яго вывелі з калоніі ў кайданках

Відэа апублікавалі праўладныя тэлеграм-каналы.

Палітвязня не аддалі родным, якія чакалі яго каля калоніі, а пасадзілі ў кайданках у машыну. Хто менавіта выводзіў Чапюка і куды яго павезлі — невядома.

У верасні 2022 году Андрэю прысудзілі 6 гадоў калоніі. Пазней Вярхоўны Суд скараціў тэрмін на тры месяцы — да 5 гадоў і 9 месяцаў зняволення. За кратамі Чапюк правёў больш за 4,5 года.

🔗Хроніка палітычнага пераследу

26.03.202513:08

Жанчыну, якая пасля выступлення Луганскага тэатра ў Мінску выгукнула «Слава Украіне!», арыштавалі на 20 сутак

Пра гэта паведамляюць прапагандысты.

Ірыну Саланкову абвінавацілі паводле арт. 24.23 КаАП (несакнцыянаванае пікетаванне) і арт. 23.4 КаАП (непадпарадкаванне міліцыянтам). Прапагандысты сцвярджаюць, што жанчына выгукнула «Слава Украіне!», бо «падтрымлівае народ Украіны, а словы гэтыя, на яе думку, гэта "пажаданні росквіту Украіне"».

Таксама сцвярджаецца, што жанчына «не падпарадкавалася міліцыянтам» і яе заносілі ў машыну ажно чатыры супрацоўнікі.

🔗Хроніка палітычнага пераследу

14.04.202513:31

Памерла сястра загінулага добраахвотніка Васіля Парфянкова — за роднасць з ваяром Алесю ўтрымлівалі на Акрэсціна

Пра тое, што жанчына пайшла з жыцця, «Белсату» распавяла крыніца выдання.

Вядома, што яна хварэла на анкалогію, і што ў 2022 годзе пасля ператрусу дома Алесю разам з маці арыштавалі і змясцілі на Акрэсціна — проста за тое, што яны блізкія ваяра-добраахвотніка.

«Па іх прыехалі шэсць ці восем чалавек у поўным абмундзіраванні, правялі вобшук. Іх абвінавацілі ў непадпарадкаванні і ў тым, што яны нібы напалі на тых, хто іх затрымліваў. Там жанчыны досыць малюсенькія, маці Васіля ў шаноўным узросце, ёй, здаецца, 67 гадоў, як яны маглі напасці? На судзе яны плакалі і гаварылі, каб яны не шылі ім тое, чаго не было насамрэч. Мама Васіля казала, што гатовая адсядзець, але за справу, а не за гэта… Да іх стабільна прыходзілі з вобшукамі, як я зразумела, кожныя паўгода», — распавядала жанчына, якой давялося адбываць суткі разам з імі.

🥀Праваабарончы цэнтр «Вясна» выказвае спачуванні родным і блізкім Алесі

28.03.202507:02

Прапагандысты заявілі, што сілавікі ідэнтыфікавалі 260 удзельнікаў замежных акцый да Дня Волі

Паведамляецца, што ідэнтыфікавалі ўдзельнікаў акцый у Беластоку, Познані, Варшаве, Уроцлаве, Вільні, Берліне, Філадэльфіі, Чыкага, Альберце і Маямі.

Сцвярджаецца, што 98 удзельнікаў акцый раней не траплялі ў поле зроку сілавікоў.

29.03.202513:20

Прарасійскую актывістку Вольгу Бондараву арыштавалі на 13 сутак за «распаўсюд экстрэмізму»

Пра гэта паведаміў яе муж Аляксандр блогеру Андрэю Павуку, калі той патэлефанаваў мужчыне пад выглядам аднадумца Бондаравай, піша @belsat.

Адвакат Бондаравай сказаў, што яе пакаралі па «экстрэмісцкім» артыкуле, распавядае Аляксандр.

«Нешта перапосціла ці што. Хутчэй за ўсё гэта было спланавана. Трэба было пасадзіць яе адмыслова, яны [сілавікі] лавілі яе, кантралявалі».

Пісаць скаргі, з ягоных слоў, бессэнсоўна, бо «ўсіх шчэмяць».

«З Брэста вось хлопца трэці раз закрывалі. Таксама патрыёт нейкі — яна распавядала».

31.03.202509:32

Павал Латушка: Мабільны тэлефон Анжалікі Мельнікавай — у Беларусі з 19 сакавіка

«На гэты момант мы можам паведаміць, што мабільны тэлефон Анжалікі Мельнікавай з 19 сакавіка знаходзіцца на тэрыторыі Беларусі. Гэта ўстаноўлена намі тэхнічным шляхам».

Крыніца: @latushka

18.04.202507:45

❗️Палітзняволенай Алене Лазарчык дадалі яшчэ паўтара года зняволення

Актывістку «Еўрапейскай Беларусі» Алену Лазарчык нядаўна асудзілі па чарговай крымінальнай справе. Гэтым разам яе прызналі вінаватай паводле ч. 2 арт. 411 КК (злоснае непадпарадкаванне законным патрабаванням адміністрацыі калоніі) і прызначылі яшчэ паўтара года калоніі ў дадатак да васьмі гадоў зняволення.

Калі быў вынесены прысуд, невядома, піша @belsat. Вядома, што на судзе Алена адмовілася ад паслуг адваката.

Алена — ужо пятая жанчына, асуджаная паводле арт. 411 КК. Пасля таго, як прысуд набудзе моц, яе перавядуць у жаночую калонію строгага рэжыма № 24 у Зарэччы. Па сведчаннях былой палітзняволенай Антаніны Канавалавай, у гомельскай калоніі № 4 Алена адседзела больш за 90 сутак у ШІЗА, больш за 60 дзён у ПКТ.

Чытаць па спасылцы 👉 https://spring96.org/be/news/117799

28.03.202518:10

❗️Знікла сувязь са спікеркай Каардынацыйнай рады Анжалікай Мельнікавай — яна не знаходзіцца на тэрыторыі Польшчы

Пра гэта паведамляе @latushka.

«Інфармую, што з 25 сакавіка адсутнічае сувязь са спікеркай Каардынацыйнай рады Беларусі Анжалікай Мельнікавай. Па наяўнай інфармацыі яна не знаходзіцца на тэрыторыі Польшчы.

Мы спадзяемся на лепшае, але разумеем, што першыя асобы дэмакратычных сіл Беларусі з'яўляюцца прыярытэтнымі мэтамі спецслужбаў рэжымаў у Беларусі і Расіі.

Мной афіцыйна пададзеная заява ў праваахоўныя органы Польшчы аб знікненні спікеркі КР Анжалікі Мельнікавай. Па просьбе праваахоўных органаў дадзеная інфармацыя не разгалошвалася.

Мы будзем інфармаваць аб развіцці сітуацыі па ўзгадненні з праваахоўнымі органамі Польшчы».

01.04.202506:45

😔Мікола Дзядок не выйдзе на волю па сканчэнні тэрміну — у дачыненні да яго распачалі новую крымінальную справу

@MDziadok стала вядома, што Міколу перавялі ў СІЗА №1 у Калядзічах з-за новай крымінальнай справы.

«На жаль, іншых падрабязнасцей няма. Няма таксама навінаў наконт ужо адкрытай на яго справы па 411 артыкуле. Мікола мусіў выйсці на волю 4 красавіка 2025 года».

Нагадаем, Дзядка затрымалі 11 лістапада 2020, пасля чаго моцна збівалі і катавалі. Яго асудзілі да пяці гадоў зняволення. Пазней палітвязню ўзмацнілі пакаранне і перавялі на турэмны рэжым. Увесь час у зняволенні на яго аказваецца ціск.

08.04.202512:02

ЕС фінансава падтрымае беларусаў, што пацярпелі ад рэпрэсій

Еўрапейскі саюз у рамках праграмы EU4Belarus – SALT абвяшчае запуск праграмы падтрымкі для тых, хто пацярпеў ад палітычных пераследаў і страціў крыніцу даходу і магчымасць атрымання адукацыі, піша @viacorka.

📍Праграма прызначана для былых палітзняволеных, а таксама беларусаў і беларусак, якія падвергліся адміністрацыйнаму або крымінальнаму палітычнаму пераследу.

💵Памер падтрымкі: да 10 000 еўра!

🔹На гэтую суму ў межах праграмы адна асоба можа атрымаць падтрымку на:

- навучанне і зборы (прафесійная адукацыя, курсы павышэння кваліфікацыі, моўныя курсы, курсы кіроўцы, сертыфікацыя, настрыфікацыя і экзамены);
- выдаткі на пераклад дакументаў;
- пражыванне ў інтэрнаце (для прафесійнай адукацыі да 12 месяцаў);
- грамадскі транспарт (для вочнага навучання працягласцю не менш за 1 месяц);
- падпіскі на праграмнае забеспячэнне і лічбавыя платформы, неабходныя для навучання і перападрыхтоўкі.

Спасылка на праграму і анкета для запаўнення 👉 https://eu4belarus.info/grants02-ex-politicalprisoners-by/

17.04.202508:07

Ксяндза Вячаслава Барка прызналі «экстрэмісцкім фармаваннем»

Адпаведнае рашэнне было прынятае МУС 16 красавіка.

Ксёндз Вячаслаў Барок сутыкнуўся з палітычным пераследам за сваю пазіцыю пасля выбараў, пасля чаго быў вымушаны пакінуць Беларусь.

🔗Хроніка палітычнага пераследу

03.04.202511:22

❗️Вікторыю Кульшу чакае чацвёрты суд за «злоснае непадпарадкаванне адміністрацыі калоніі»

Палітзняволеная Вікторыя Кульша мусіла выйсці на волю ў красавіку 2025 года па заканчэнні тэрміну. Але днямі яе перавялі ў гомельскі СІЗА-3 у межах чацвёртай крымінальнай справы паводле ч. 1 арт. 411 КК (злоснае непадпарадкаванне законным патрабаванням адміністрацыі калоніі), піша @dissidentBY.

Раней ёй ужо тройчы прызначалі пазбаўленне волі па гэтым артыкуле. Агульны тэрмін Вікторыі цяпер складае пяць гадоў і шэсць месяцаў зняволення.

Увесь час у зняволенні на жанчыну аказваецца ціск. Яе неаднаразова змяшчалі ў штрыфны ізалятар і ПКТ. Па інфармацыі праваабаронцаў, у зарэчанскай калоніі № 24 адзін з наглядчыкаў душыў Вікторыю локцем, стоячы ззаду, а таксама цягаў яе па камеры. Праз галадоўкі ў яе двойчы здараўся сардэчны прыступ.

Чытаць па спасылцы 👉 https://spring96.org/be/news/117721

14.04.202512:25

💔«Жонка закахалася ў ахоўніка Валадаркі і палюбіла гэты рэжым». Былы палітвязень пра сваё зняволенне

Дальнабойнік з Мінску Аляксандр Юруць пасля сталічнага канцэрту на дзень Волі ў 2018 годзе моцна захапіўся нацыянальнай культурай і пачаў размаўляць па-беларуску. У 2020 годзе мінчук актыўна ўдзельнічаў у акцыях пратэсту. А з пачаткам поўнамаштабнай вайны Расіі супраць Украіны зарэгістраваўся ў плане «Перамога» і збіраўся ўступіць у полк Каліноўскага.

Сілавікі затрымалі Аляксандра ў 2022 годзе разам з жонкай і да крыві збівалі яго па твары ў аддзяленні ГУБАЗіК. Палітвязень на два гады патрапіў у калонію, а пасля адбыцця тэрміна з’ехаў з краіны.

Аляксандр распавёў «Вясне», як захапіўся беларушчынай і ўдзельнічаў у Курапацкай варце, як разам з калегамі дэсантнікамі ўдзельнічаў у пратэстах, як перастаў размаўляць з бацькам-лукашыстам. А таксама пра тое, як жонка палітвязня закахалася ў ахоўніка Валадаркі і сышла ад Аляксандра, пакуль той быў у няволі.

Чытаць па спасылцы 👉 https://spring96.org/be/news/117773

18.04.202513:47

Былога палітвязеня Андрэя Чапюка пасля вызвалення з калоніі павезлі даваць паказанні

Пра гэта паведамляюць праўладныя тэлеграм-каналы.

🔗Хроніка палітычнага пераследу

Увайдзіце, каб разблакаваць больш функцый.