Ужо ня першы раз паміж некалькімі прапановамі выступіць на Дзень Волі выбіраю Беласток. 🙈
Самы запамінальны быў у 2018 годзе, калі плянавалася сьвяткаваньне 100 гадоў БНР, і гэты час прыпаў на "паўзучую лібэралізацыю", таму арганізатары цудам атрымалі дазвол на правядзеньне канцэрту ў Менску каля Опэрнага тэатру. 🗽
Якія толькі сцэнары не прапаноўваліся! 🚁 Прагучала нават ідэя пра гелікоптар да Гародні, а адтуль аўто да беларуска-польскай мяжы, каб пасьпець адыйграць канцэрт і ў Менску, і ў Беластоку. 🏎
Але ўсё ж не складалася!
Улічваючы, што арганізатары ў Беластоку дамовіліся пра канцэрт яшчэ за год да яго, даводзілася прытрымлівацца дамовы.
Каб усё ж не пакінуць без сьвяткаваньня дарагіх суайчыньнікаў, мы параіліся ды зладзілі ў тагачасным менскім клюбе "Brügge" магутны рок-канцэрт да Дня Волі з бясплатным уваходам за дзень да афіцыйнага сьвяткаваньня.
Сёлета надыходзяць 107 угодкі БНР, і мне зноў даводзіцца абіраць паміж некалькімі гарадамі, дзе адзначыць з вамі нашае нацыяльнае сьвята. Адзін зь іх - далёка ў Эўропе, другі - зусім блізка да Беларусі.
Гэтым разам пра канцэрт у Менску пакуль не вядзецца дый нават шмат хто з арганізатараў таго, колішняга, канцэрту каля Опэрнага тэатру цяпер сярод палітзьняволеных.
А ўсё ж, думаю, такое сьвята яднае нас паўсюль - і па гэты бок мяжы, і па той бок.
Нават, калі вы адзначыце ня шэсьцем і канцэртам, як шмат хто з беларусаў у шматлікіх сусьветных гарадах ад Польшчы да Аўстраліі, а ў коле сваёй сям'і, таемна сярод паплечнікаў ды нават калі будзеце глядзець трансьляцыі і ціха падпяваць нам, усё роўна мы пачуем ваш голас, ажно надыйдзе дзень, калі і ў Беларусі, як зараз па ўсім сьвеце, зможам годна і з гонарам адзначаць нашае сьвята пад нашым сьцягам. ✊
А пакуль - аўто да польска-беларускай мяжы, галоўная плошча Беластоку, нядзеля, канцэрт да сьвяткаваньня Дня Волі. ✌️
Прыходзьце, прыязджайце, прылятайце, сардэчна вас запрашаю!
