Бальшавіцкія метады дзейнасці ў дачыненні да людзей (усё адно ці сваіх, ці чужых грамадзянаў), грунтуюцца выключна на хлусні. Можна смела сказаць, што ў Савецкім Саюзе лгуць усе, пачынаючы са Сталіна і сканчаючы любым савецкім шараговым, прычым хлусня гэтая ўкладаецца ў добра абдуманую, хітрую, складаную сістэму. Хлусня й тэрор - гэта спосабы, пры дапамозе якіх бальшавікі трымалі ў страху шматмільённы народ Савецкага Саюзу. І хлусня - гэта спосаб, пры дапамозе якога яны ашукваюць сляпых, па-дзіцячы наіўных жыхароў Эўропы..
Франц Кушаль, з успаміну “Дарога да Катынскага лесу”.
Мала ў жыцці я сустракала такіх шляхетных, бескарысных патрыётаў, якім быў Кушаль. Ён, як і Вітушка, жыў і дыхаў толькі тым, што мог нешта рабіць для Беларусі.
Ларыса Геніюш
На пачатку кожнага вялікага чыну бывае вялікая думка-ідэя, якая так захапляе сабою, што не дасць супачыць, аж пакуль не ператварыць яе ў рэчаіснасць. Без плану, без ідэі няма ніякага чыну, няма ніякага дзеяння..
Скажуць: цяжка, непадсілу… Такім хочацца прыпомніць: мусіш, не маеш права хавацца, адступіцца ці заламацца. Пачуццё абавязку дадае сілы, пачуццё гонару мацнейшае за стомленасць, мацнейшае нават за страх перад смерцю. Ідэя перамагае найбольшыя перашкоды, дух ажыўляе стомленае і нават мёртвае цела і вядзе яго да перамогі.
Не штука перамагаць, калі няма перашкод. Але нікчэмная тая слава, якая не заслужаная ці надта лёгка здабытая.
Міхась Ганько, кіраўнік Саюзу Беларускай Моладзі, артыкул “Нашая місія”, 1943.
