O‘zbekiston Respublikasi Prezidentining PQ-1-sonli Qarori ijrosi bo‘yicha Qarshi shahrida joylashgan Qarliqxona mahallasini jinoyatdan holi hududga aylantirish bo‘yicha tasdiqlangan “yo‘l xaritasi”da belgilangan chora-tadbirlar ijrosi yuzasidan viloyat IIB boshlig‘i polkovnik Abduvoxid Ismoilov Qarliqxona mahallasida “mahalla yettiligi” tomonidan amalga oshirgan ishlar va faoliyatini tahlil etdi. Yettilika belgilangan vazifalarni amalga oshirish bo‘yicha tushunchalar berdi. Mahallada aholi gavjum to‘planadigan joylar, ta’lim muassasalari, ko‘chalar, shuningdek jinoyat sodir etilishi ehtimoli yuqori bo‘lgan manzillarni kameralashtirish bo‘yicha amalga oshirilgan ishlarni ko‘zdan kechirib, tavsiya va takliflar berdi.
Viloyatda qaror ijrosi bo‘yicha “yo‘l xaritasi”da ko‘rsatilgan chora-tadbirlarni amalga oshirish ishlari davom etmoqda.

Ishchi guruh dastlab, viloyat IIBda O‘zbekiston Respublikasi Prezidentining 2025 yil 3 yanvardagi “2025 yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha chora-tadbirlar to‘g‘risida”gi PQ-1-son qarori ijrosini ta’minlash borasida , ishchi guruh a’zolari va viloyat IIBdan shahar-tumanlarga biriktirilgan sohaviy xizmatlar rahbarlariga yo‘riqnoma berdi. Unda mahallalarda kriminogen vaziyatni barqarorlashtirish hamda jinoyatlarni barvaqt profilaktika qilish borasida amalga oshirilgan ishlar ahvoli tahlil etilib, kelgusida amalga oshirilishi lozim bo‘lgan chora-tadbirlar belgilandi.
Ishchi guruhning o‘rganishlari boshlandi.