فيلب مورس حيث يباع الوقت بسعر النفس …..
لحظة إشعال سِجارتك و يتحول الورق الذهبي إلى رماد يسافر مع الريح تاركاً وراءه أثرٌ لايمحى في صدرك ،فهو كالسحر يجذب العشاق والمتمردين يخفف من اعباء الحياة وفي ذات الوقت يُنقِص من عداد وفاتِك.
تجارة الإدمان والموت ياسادة انها : تجارة التبغ…
نبدو القصة من البداية بكل كيف وصلنا للمرحلة هادي ومني اللي عرفنا عالدخان اصلا ،اول من مارَس العادة هادي هما الهنود الحُمر فكانو يعاملو في الدخان كطقس مقدس باش يتواصلو مع عالم الارواح " فات الكوكا غادي دخانهم " وفي نفس الوقت الدخان عندهم كان رمز للسلام لو في قبيلتين بيعلنو السلام بينهم لازم رؤساء القبيلة يقعمزو مع بعض ويدخنو من السِيجارة نفسها ، ووقت اللي اكتشف كريستوفر كولومبوس أمريكا انتقل التبغ والدخان لأوروبا وكان أول من يُدخن خارج الامريكيتين في عام 1492.
عام 1835 وُلد واحد من أكبر تجار التبغ ومؤسس أكبر شركة في عالم تجارة التبغ "فيليب مورس " في إنجلترا ، بعد خدمته مع والده في متجر التبغ الخاص بالعيلة وبعد انتقاله لأمريكا وعمله بأكبر مصنع للتبغ وقتها قرر فيليب تأسيس شركته الخاصة سنة1858 في بدايات الشركة كانت مركزة على السجائر اليدوية وبعدين انتقلو للسجائر المُصنعة وبعد موصلت الشركة لأقصى مراحل النجاح في سنة 1873 توفى فيليب " يافرحة متمت" ،وبعد وفاته انتقلت جميع أملاكه بمافيها الشركة بإسم زوجته "مارغريت " وابنه "ليوبورد" واللي ميز عقلية ولده في الخدمة انه وقع شَرَاكَة مع كل شركات التبغ المنافسة اللي في السوق وكان كل شي ماشي لوز.
1924 تم إنتاج شركة (Marlboro) طبعاً كانت "شركة سجائر نسائية" وهيا اللي أنقضت شركة فيليب من الإفلاس لكن كان في مشكلة وقتها انه الدولة منعت التدخين على النساء في الاماكن العامة والشوارع والشي هادا رجع على شركة فيليب بخسائر فكان الحل إنهم يسوقو للسيجارة على انها رمز للحرية مش مجرد منتج وخلاص ووصلت بيهم أنهم دعمو الحركة النسوية والمواساة بين الرجل والمرأة بس باش يبيعو أكتر وسموها "مشاعل الحرية".
من أهم عوامل نجاح شركة فيليب هوا الحرب العالمية الأولى لانه الجنود كان يستعملو في الدخان أكتر من الرصاص "ناس رايقة".
ومع هادا كله أعلنت مؤخراً شركة فيليب مورس إنه بحلول 2030 حيوقف إنتاج السجائر العادية بالكامل وحتتجه الشركة لتصنيع الفيب فقط " اللي هيا أحرف وأحرف طبعاً.
