"მათ უნდათ დაგვარწმუნონ, რომ ჩვენი ქვეყანა ჩვენ არ გვეკუთვნის, რომ დასასრული წინასწარ განსაზღვრულია, და ჩვენს მაგიერ ყველაფერი გადაწყვეტილია. რომ ვიღაცეები მოილაპარაკებენ, და ყველაფერი თავის ადგილს დაუბრუნდება. ისინი ცდილობენ უკრაინელების გატეხვას, ქმნიან რა ილუზიას, თითქოს განწირულები ვართ, ხოლო ბრძოლის გაგრძელება უაზრობაა.

დაიმახსოვრეთ: ზუსტად სამი წლის წინ იგივე იყო. მაგრამ მაშინ უკრაინამ გაუძლო - ყველა პროგნოზის, გათვლის და იარაღის დაყრაში დარწმუნების მცდელობის მიუხედავად. ჩვენ ვუპასუხეთ გაბედულობით, რომელმაც გააკვირვა როგორც მტერი, ისე ჩვენი მოკავშირეები. ეს ჩვენი მეომრების დამსახურება იყო, რომლებიც მტრის კოლონებს აჩერებდნენ, ხშირად სათანადო მომზადების გარეშე, მაგრამ იმის მკაფიო გაცნობიერებით, რისთვის იბრძოდნენ. ეს იყო ათასობით უკრაინელის შრომა, რომლებმაც პირველად აიღეს იარაღი 2022 წლის 24 თებერვალს.

ჩვენი სახელმწიფოს გადარჩენა გახდა არა საერთაშორისო შეთანხმებების შედეგი, არამედ წინა ხაზზე ათასობით მეომრის ტიტანური ყოველდღიური ძალისხმევის რეზულტატი.

როცა მარიუპოლი რუსების ჯარებმა ალყაში მოაქციეს, ჩვენ ყველაზე ნაკლებად გვაღელვებდა იმათი მოსაზრებები, რომლებიც უკრაინას წაგებისთვის განწირულად მიიჩნევდნენ და ელოდებოდნენ, როცა დავთმობდით ჩვენს ტერიტორიებს და დამოუკიდებლობას. ყოველი ჩვენთაგანი ასრულებდა თავის მოვალეობას გაბედულად და თვითგანწირვით, მიუხედავად ანალიტიკოსების სკეპტიციზმისა და უკრაინელებს შორის სასოწარკვეთილების დათესვის მცდელობისა. მტრის ძლიერი ძალის წინააღმდეგ სასტიკ ბრძოლებში ჩვენ ვიცოდით, რომ ჩვენი ქვეყნის ბედი წყდება არა თანამდებობის პირების შორს განლაგებულ კაბინეტებში, არამედ უშუალოდ აქ - ბრძოლის ველზე. და ჩვენ მართალი აღმოვჩნდით.

სამი წლის შემდეგ კვლავინდებურად მტკიცედ გვწამს ამის. თუ შევხდევათ მძიმე გზას, რომელიც ჩვენ გამოვიარეთ, ჩვენ ვაცნობიერებთ, რომ ჩვენ გვაქვს საამაყო, და ჩვენ ზუსტად ვიცით, ვისთვის და რისთვის ვიბრძვით.

მთელი ეს სამი წელი უკრაინა დამოუკიდებელი რჩებოდა თავისი არმიის წყალობით, რომელსაც აძლიერებდა მოხალისეების და მოქალაქეების მხარდაჭერა, რომლებიც უზრუნველყოფენ მას ფინანსურად. ამიტომ დღეს ჩვენი ქვეყნის ბედი კვლავ იმათზეა დამოკიდებული, რომელთა ძალისხმევაც აკავებს ფრონტის ხაზს.

უკრაინელი ჯარისკაცების ვაჟკაცობის შურთ კაბინეტებში მყოფ გენერლებს მთელი მსოფლიოს არმიებში. უკრაინული წინააღმდეგობის სიმამაცე და თავდადება მილიონების აღფრთოვანებას იწვევს. ახალი სამხედრო დოქტრინა, ახალი გეოპოლიტიკური რეალობა და ისტორიის ახალი თავები სანგრებში იწერება - იქ, სადაც უკრაინელი ჯარისკაცები მტრის წინააღმდეგ განხორციელებული ყოველი ზუსტი დარტყმით მშვიდობას აახლოებენ."

“პარლამენტში არ არის არცერთი დაფა, არც იუნკრების სახელები და გვარები. ჩვენ არ ვივიწყებთ მათ, იმ 25 თებერვალს, იმ ძალიან ცივ დღეს. არ გვავიწყდება, რომ რუსთაველზე შემოაბიჯებდა რუსეთის ჯარი.

დღეს პროპაგანდა გვეუბნება, რომ რუსეთს მშვიდობა უნდა, ხოლო “ომის პარტიას” - ომი. მაშინაც ამას ამბობდა პროპაგანდა, თურმე ევროპელები იმპერიალისტები იყვნენ, ხოლო რუსებს მშვიდობა სურდათ.

ჩვენ აქ იმიტომ ვდგავართ, რომ ეს დღე არასდროს აღარ გამეორდეს იმიტომ, რომ რუსული ოკუპაცია დამთავრდა და აღარ უნდა შემოვუშვათ. იმათ [იუნკრებმა] დაგვიტოვეს ძალიან დიდი მაგალითი და იმედი. საქართველო ის ქვეყანაა, რომელიც არ ეგუება და არ თმობს თავის დამოუკიდებლობას.

ვდგავართ ყველა, დგას მზია ამაღლობელი, თემურ ქათამაძე, ყველა პატიმარი. ისინი აქ დგანან, სანამ ჩვენ ვიდგებით. ჩვენ არ დავთმობთ და რუსულ რეჟიმს ოკუპაციის დაწესების საშუალებას არ მივცემთ.
ესენი ვერ შეძლებენ ჩვენს დამორჩილებას.

რეჟიმი ვერ მართავს სახელიმწიფოს. ამის მაგალითია გურია და აჭარა. დღეს დაიწყეს მათ მოქმედება, როცა საზოგადოება აღელდა. ეს რეჟიმია და არა მმართველობა. რეპრესიული კანონების გარდა, ვერაფერს იღებენ. დარბევის გარდაც ვერაფერს აკეთებენ. დადებითის გაკეთება მათ არ შეუძლიათ, თუ გახსოვთ, გამახსენეთ. მათ მხოლოდ ქვეყნის მტრისთვის გადაცემა შეუძლიათ.

არ მჯერა, რომ საქართველოში იბადენიან ადამიანები, რომლებსაც რუსული ჩექმა მოსწონთ. სამაგიეროდ მე მჯერა თქვენი, ჩვენ მივდივართ სწორი გზით.

გეგმა არის ერთი და უალტერნატივო - ახალი არჩევნები. მსოფლიოში ყველამ ძალიან კარგად იცის, რომ როცა ქვეყანაში ასეთი ღრმა კრიზისია, სხვა გამოსავალი არ არის, არჩევნების გარდა.

ეს არჩევნები დაინიშნება!