أياتُ حبكِ في فؤادي أحكَمت،من قالَ انيَ عن هواكِ أتوبُ➖.
02.02.202520:29
مَ أعرف أنت منو ولا أعرف شوكت مُمكن ألتقي بيك كل إلي أعرفة عنك هيّ الأشياء إلي أنا مهتمة أنُ تكون موجودة بيك وأنُ أنت حتكون إضافة چبيرة وكلش حلوة لحياتي بنفس الوقت واثقة أنُ حكون لحياتك هيچ هماتين تدري شنو؟ متحمسة .. متحمسة إنك تطلّع مني النسخة إلي مليانة هوايّ حُب لروح ثانية غير روحها متحمسة أنطيك كل هالمشاعر إلي محافظة عليهم ومكدستهم بگلبي إلك متحمسة أدزلك الأغاني إلي لگيتك بيهم وأنا لساتني مَ أعرفك منو حتى متحمسة تشوف الشغل إلي إشتغلتة على نفسي وإلي خلاني أگدر أختارك وأوصلك بگلب سليم مَ بي عُقد نفسية وگادر أنُ يحبك بأحن طريقة متحمسة هماتين أشوف أنت شلون إشتغلت على نفسك للدرجة إلي خلتني أقرر أنك مُناسب إلي متحمسة أحچيلك عن إلي إختاروني بس بعدت عنهم لأنهم مَ چانوا أنت بس على گد هالحماس وعلى گد هالمشاعر الحلوة مداسعى أنُ ألاگيك .. داسعى انُ ألآگيني بالأول لأنُ أعرف كلما لاگيت نفسي أكثر كلما قرّب موعد دخولك لحياتي❤️.
