مثل الثواني من اروحن ما ارد ردود

هايهيه وداعتچ لا تستحين
دوسي فوگ الروح لعبي
واعديني ولا تجين
حبي غيري، اتشاقي، اضحكي
صاحبي وحقچ يحلوه تصاحبين
انتي مو اول حبيبة
اتمرعد بسچينها هدوم السنين
وليش كل احنه حزانه؟
لا يشيل هموم گلبچ يكفي بس اني حزين
يكفي اشيل همومچ، هموم الشماته،
هموم وكتي، وكلهن بهل رگبة دين
واني وحدي الي احبها
وانتي يدري الله شكثرهم؟
عاشگين ومعجبين وعاجبين
وما اگول اكثر شگولن
هو ذنبي لا سكنت ويه الاجوني
ولا تبعت الراحلين

كاظم أسماعيل الگاطع