شفت ناس يگولون احنا متاكدين داخلين
لان يعرف نفسة او واثق شوف الفرق زين
هسة انطوكم دخول ممكن هسة تحس
ع نفسك وكافي تسخيت الله نجاك
استغل هذي الفرصة وبلش شد حيلك
والله شفت ناس ماعرف يعني شبيكم
يكولون ليس انطوا دخول واحنى تعبنا
شلون نتساوى وي هذول الي الي ماقرو
وماتعبو مثلنا وراح تجي اسئلة صعبة
لان دخول شامل ماعلية هالحجي ترا
وعيب تفكرون هيج حب لاخيك ماتحب
لنفسك ادعي لاخوانك بالخير مو اخوة
مو مسلمين انتو وين رحمتكم لعد شنو
يعني تريد بس انت تنجح بعدين هذا
شي موحلو ابد ولاتسولفو كدام احد
غيرو من داخلكم لاتصير حاقد ونفسية
ادعو لغيركم بالخير حتى الله يوفقكم
والله ماتتوفقون اذا ماتحبون الخير
لغيركم ولتعود نفسك تكون لئيم وماتحب
هذا ينجح لان والله جان يسخت ويلعب
معليك بي يا اخوية لعد الانسان من يذنب
شنو الله ميغفرلة غير يرجع ويتوب
ف ادعي للي دخلو وياك كول يارب وفقه
واهدي لاتكعد تكول ليش دخلو وميصير
ويتقارنون بينا وهالكلام ماله داعي
شوفو اني هسة والله بديت ادرس لغة
المانية خلسولفكم ، اني حلمي اطلع من
العراق وحلمي تحقق بنسبة 80% يعني
بقت 20% شلون فقط يردون مني شهادة
مال لغة المانية ومباشرة اطلع فيزا واطلع
ف لازم ادرس حتى احصل هلشهادة شفت
هواي اشخاص محصليها بكدي واصغر مني
معقول هذول احسن مني لو اذكى مني لا
اكو سر لا لغة سهلة لا ، كلشي تشوف صعب
حاول ويا لاتحاول مرة وتوكف ف اني هسة
حتى احقق الحلم 100% لازم اجيب شهادة
وهذي شهادة مدة الدراسة من 5 اشهر
الى سنة يعني ممكن ب 5 اشهر اضبط
لغة او ممكن سنة ف اني اريد اطلع باقرب
وقت ماريد اطول فلهذا قررت ادرس
دراسة مكثفة يعني ادخل معهد لغات
ويا ادرس اني اراجع المحاظر مال يوم
وراها اروح ادرس لوحدي أيضاً احفظ
كلمات حتى اقوي الترجمة مالتي باللغة
فلازم اتعب اضغط ع نفسي احاول هاي
الفترة بس هذي الشهور اضغط ع نفسي
حتى بعدها اخلص شهادة هنا بعد معناة
كملت ف اني وانت مفس الحلم انت حلمك
معدل وقسم ببالك اني هم حلمي شهادة
اللغة واطلع واحصل هلدولة ومتوقف
ع شهادة وطبعا الشهادة لاسامح الله
ما نجحت شنو توقفت الحياة لو شنو
لا عادي لتضوج لحظة عليمن تضوج؟
ترا عادي ارجع من جديد حاول مرة ثانية
ارجع ادرس من جديد واقدم من جديد
واخذ الشهادة من عيونهم خاوة واطلع
بزودي وبتعبي مو شرط تنجح ترا من
اول محاولة لا والانسان الي يحاول
هواي ومايتوقف هذا فعلا انسان مجتهد
فانت مو والله رسبت تروح تبطل وخلص
وتفقد الامل لو البعض من الجهلة شيسوي
يروح نتـ ..ـحر صدك جذب شنو سالفة
ترا مو هيج ارجع حاول مخالف رسبت
لتضوج اصلا ختولي لكن احنا مانخلي
ببالنا فكرة اعيد من جديد لا خلي ببالك
فكرة تنجح من اول مرة مو من ثاني مرة
لاتفكر انت عندك فرصة ثانية وثالثة وترجع
تحاول نعم عندك فرصة والحياة ماتوقفت
لكن حاول من أول مرة تنجح وتطلع من
هاي الهوسة كلها وان لاسامح الله ماكدرت
عادي لتنقهر ولتضوج والله ارجع وارتاح
ونام واكل واشرب ولتهتم عندك فرصة
ترجع تجهز نفسك من جديد لهاي المعركة
وتكون جاهز وتروح تقرا وتمتحن وتكمل
وتصير سوالف وتخلص اهم شي ماتبقى
بمكانك تسخت لو تطلع اعذار لنفسك
اتعب اضغط ع نفسك فترة اتحمل التعب
وانت الي طلعت اعفاء فردي لو مانعفيت
ترا ماطارت دنيا الكلام الفوك كله الك
أيضاً انت هم الاعفاء ميوقف حياتك فهمت
لتضوج ولتنقهر روح ادرسوالي مانعفيت
بيهن واتوكل بالله خلو املكم وتوكلكم
فقط بالله واتقربو لله ولاتتركو صلاتكم
حتى الله يوفقكم بدراستكم وبحياتكم
اذا بعيد عن الله ثق ماراح تتوفق بحياتك
واذا انت او انتي طالب وتريد مساعدة
تريد ملازم تريد مصادر تريد كتب تريد
مدرسين مضبوطين تريد حل او اسئلة
او تحفيز او نصيحة مسوي اني معهد
اونلاين مجاني بي اقسام بداخلة من
تدخل تلاكي مراحل من الابتدائة الى
الكلية ف من تدخل المجموعة تدخل
ع قسم اذا ثالث تروح لقسم ثالث
راح اخليكم رابط المجموعة وصورة
توضيحية تشوفون الاقسام وادخلو
خاللكم بنات مشرفات اكثر من 40
بنت مشرفة من كل المراحل هناك
يساعدن كل الطلاب ، وملاحظة
المجموعة مشددة جدا ومراقبة طول
الوقت مابيها اي سوالف خارج دراسة
مباشرة حظر ومابيها اي شي ثاني
فقط تسئل او تطلب شي يخص دراسة
يعني اتطمنو تدخل تدرس وتطلب الي
تريدة وانت مرتاح والمشرفات موجودات
اي شي يصير تبلغهن مكتوب يم اسمهن
مكتوبلك مشرفة راح اترك الكم رابط
بالنهاية ثبت القناة عندك هسة حتى
ماتضيعها لان كل منشور ينزل هوا
بي نصيحة وتوعية الك من انشر
شي يوصلك مباشرة لان مثبت القناة
ثبتها هسة خليها عندك اذا جديد داخل
كل المواضيع تنزل للبنات وللولد تتعلم
وتتوعى وتغير فكرك كله وياي
ثبتها هسة لاتنسى !! ❤️❤️
وهذا رابط المجموعة الدراسية جوا
اضغط علي يوديك لمنشور مال مجموعة
رابط المجموعة مال دراسة ↓↓
https://t.me/EREN_AC/269

بالكاع يعني على رجليهم گعدو شربو العصير
وگامو هههه اني فعلاً ضحكت هنا ضحكت
لان فرحان اشوف هيچ ناس تطبق السنن
النبوية عن رسول الله حبيبنا عليه الصلاة
والسلام چان يشرب اي شي هوا وگاعد
وچان من يشرب اللبن يمضمض بي بحلگة
يلا يبلعة والمي كذلك ومن يشرب چان ع
شكل غرفات يعني يشرب شربة ويمضمض
ويبلعة وراها ثانية وثالثة وهيچ ماچان
مثل ما احنا نلزم المي لو العصير نصكه
كله بشربة وحدة وشفت هواي ناس لازمة
السواك بايدها لو بجيبها لو بحلگه خاله
نشرتلكم على السواك فوگ هوا عود خشب
كان الرسول يستخدمة لتنظيف اسنانه
وقال عنه السواك مرضاه للرب مطهره للفم
لان هاي العودة بيها ريحة طيبة تخلي بحلگك
وكذلك تنظف اسنانك وكذلك اللحية لان
الرسول وصى بتوفير اللحى حلق اللحية
حرام والاسبال كذلك هذن شغلات خصوصا
شفتهن هناك بكثرة بالمدينة وبمكة هنا تحس
نفسك بزمن الرسول من تشوف ناس هلگد
مطبقة السنن النبوية وقبل الصلاة بساعة
او نص ساعة الناس تبدي تلتم بالمساجد
والاطفال تارسة المساجد كلها تحفظ قران
ويدرسون ياخي تحس نفسك فعلاً انت
بزمن الرسول لاول مرة تحس نفسك انت
بنص الإسلام الحقيقي مو اسلام الخزعبلات
والخرافات والسخافات و الشرك والبدع
والاحلى من هذا اذا انت اخطأت وشافك
شخص ياخذك ع صفحة لو يجي يمك
يحاجيك علكيف ينصحك يگلك هاي سويها
هيج هاي هيج لتسوي هيج سوي هيج
حب لاخيك ماتحب لنفسك هنا الناس
تامر بالمعروف بكثرة كلش كلش هنا ماكو
شي تسوي غلط الا واذا يجيك شخص
ينبهك ينصحك بكل ادب مو يجي يصيح
ولايقلد ولا يتنمر يجيك يبتسم ويسلم
وعلى طاري السلام ياخي حتى من يروح
يطبق السنن النبوية ما يگلك مع السلامة
ولا يكلك في امان الله ، لا يطبق السنن
يگلك السلام عليكم ويروح هذي هي تحية
الاسلام من تجي تحاجي شخص ومن تروح
هم تكولها مو بس من تجي تسلم لا حتى
من تريد تروح تكله السلام عليكم وتروح
حتى لو بالاتصال ياخي شعور مينوصف
والله شماحجي قليل شماحجي احس
مقصر كلش لان حجي طيب وكله منفعة
لو انت جنت بهذي الأماكن المدينة لو مكة
صدگني راح تنعدل بايام قليلة لان هنا
تشوف العالم واحد ينصح ويعلم الثاني
واحد يحب الخير للثاني عمي اسلام
حقيقي وانطيكم موقف صار وياي هنا
وگع الجزدان مالي بي تقريبًا 4 مليون
لو 5 وگع مني يم شخص فقير گاعد
بالشارع حتى ملابسة مشگگة ويمة عامل
من هذول الي يخدمون بالحرم مال الكعبة
ف وگع يمهم ثنينهن صاحوني الفقير
لزمني من رجلي صاحلي والعامل الي
ينظف اشرولب ع جزدان وانطونيا
وماشفت اي شي ناقص من الجزدان
اساسًا مامفتوح واحلى شي بهاي سفرتك
تربح الاخرة بيها وتنفعك للاخرة مو للدنيا
تصلي بالمسجد النبوي تحصل على كل صلاة
فرض تعادل الف صلاة واذا تصلي بالكعبة
الصلاة الوحدة تعادل 100 الف صلاة
من صلوات الفرض مو المستحبات واذا
صليت بمسجد قباء الرسول قال من توضئ
وتطهر وجاء صلى بمسجد قباء كأنما اجر
عُمرة حتى لو صلاة مستحبة لان مسجد
قباء اول مسجد بُني بالاسلام وكذلك
تحصل صلاة بالجنة لان الرسول قال
بين منبري وبيتي هذا روضة من رياض
الجنة اكو مكان بمسجد النبي مربع هوا
هذا روضة من رياض الجنة يعني كأنما
صليت بالجنة وبعد شنو تحصل تحصل
زيارة قبر رسولنا الحبيب وصحابته واهلة
في البقيع وباقي المساجد مسجد سيدنا
الحمزة عم الرسول طبعا هذا مابي اي اجر
لكن هي مساجد موجودة ومسجد شهداء
أحد وهواي مساجد هنا والحجر الأسود
كان الرسول يقبلة ويسلم عليه لكن هوا
مجرد حجر وكذلك ماء زمزم ماننساه
هذا الماء مبارك الرسول قال اذا شربتو
منه بمعنى كلامة اشربو حتى تحسون
نفسكم راح تتقيئ من كثر ما تشربه لان
ماء مبارك لايشافي ولا شيء مجرد ماء
مبارك والرسول اوصى بي فأحسن ماتروح
سفرات ونسات وترجع تروح الونسة منك
وماتحصل شي ونوب أغلى من العمرة
هاي للاخرة وارخص وتنفعك وبيها اجر
كومة تحصل الاف الصلوات وهواي أشياء
ذكرتها الكم فحاولو ترحون للعمرة انتو
لوحدكم اذا شباب واذا متزجين روحو
ويا ازواجكم او حاجو اهلكم ياخذوكم
طبعا الاسعار رخيصة هواي شركات
بكل المحافظات دورو بمحافظاتكم
و اسئلوا ناس شوف ياشركة زينة مجربة
الاسعار الرخيصة تكون من 500 ل650
الف وياها وجبات طعام وياخذوكم هناك
للاماكن الدينية جبال والمساجد وغيرها
وينطوكم هدايا جنط سفر وملابس احرام
واذا تريدون تعرفون اكثر عن العمرة
او اشياء تخص المدينة المنورة ومكة
واشياء تخص الدين بشكل عام وتوعي
نفسك وتغير نفسك ف راح اترك الك
حسابي ع انستا وتيكتوك انزل بيهن
كل شيء يخص العمرة والدين
حساب الانستا : 🌐
حساب التيكتوك : 🌐
تابعوهن وشوفو الفديوات الي تنزل
بيهن بيها معلومات دينية وتوعوية
وثبت القناة عندك حتى تبقى تتوعى
وتستفاد وتتعلم اشياء حلوة

وهذي قنوات انشرها مجانا اتصفحو
بيهن متاجر ناس تسترزق وتعليمية
سُنن نبوية ، ثوابه بنات
غسول وكريمات ، لتعليم رسم
اكسوارات بنات ، شغلات بنات
اجر وادعية ، فساتين بنات

ان شاء الله بس اوصل هناك افتحلكم بث
واخليكم تطلبون حاجاتكم وادعيلكم يم
الكعبة الرسول گال عمرة في رمضان
كانما حجة معي ، الحمدلله الله مَن عليه
وسهلي وصارت الي فرصة ثانية اروح
للعمرة وهذي المرة تحتسب كحجة ويا
رسولنا الحبيب عليه الصلاة والسلام
وهذي المرة عازم ع تحديات صعبة
اول تحدي انُ اصلي بالصف الاول
لان الرسول گال خير صفوف الرجال اولها
والتحدي الثاني اصلي بداخل الكعبة
بالحجر لان الحجر هوا جزء من الكعبة
لكن يحتاج مجازفة اما تدخل وتنمرد
اما لتوصل وكذلك التحدي الثالث عندي
الحجر الاسود بالعمرة الأولى بس لزمتة
هالمرة تحدي ابوسة وان شاء الله اگدر
لان الحجر الاسود مانصح مانصح مانصح
تفكر توصلة اله اذا انت عندك اصرار
وتتحمل الي راح يصير بيك من توصل
لان ماتوصل للحجر الاسود اذا ماتنمرد
واكيد ما ننسى الصلاة شكد فضلها چبير
بالمسجد النبوي تعادل الصلاة الوحدة
الف صلاة اما بالكعبة الصلاة الوحدة
تعادل 100 الف صلاة ( فقط الفرض )
وكذلك الروضة بالمسجد النبوي اني
صليت بيها سابقًا وهالمرو أيضاً الرسول
يگول بين منبري وبيتي روضة من رياض
الجنة يعني تدخل تصلي بالجنة وتطلع
مكان صاير بالمسجد النبوي وكذلك زيارة
اهل البقيع صحابة واهل ونساء رسولنا
ومسجد قباء اول مسجد بالاسلام
وباقي الاماكن جبل عرفات وجبل احد
وجبل النور وجبل ثور وغار حراء
لكن اهم شي هوا بهذي العمرة مالتي
هوا الحجة مثل ما كال رسولنا الحبيب
عمرة برمضان مثل ما حجة ويا الرسول
هاي افضل شغلة بعمرة رمضان وهذا
السبب الي خلاني اروح هسة برمضان
وطبعا اكيد اكيد ما راح انساكم هناك
راح افتحلكم بث كل يوم شوي بالكعبة
اخليكم تكتبون دعواتكم وادعيلكم هناك
وباذن الله تستجاب اتطمنوا ماراح اقصر
وياكم ولا راح انساكم لان انتو مو بس
مشتركين بالقناة ولا هي قناتي هي قناتكم
وانتو اهل الي اسولف وياكم وانصح
ونتناقش بمواضيع ونفيد بعضنا هنا
3 ايام واكون بمكة لان هسة اني رايح
للمدينة المنورة ابقى ليلتين لو 3 اعتقد
ونوب نروح لمكة نبقى اسبوع هناك
ف هسة ثبتو القناة عندكم لان بس اوصل
لهناك راح افتح الكم بث باوقات تختلف
حتى اكدر ادعي لاكثر عدد منكم وماقصر
فحتى تجي تلحگ لازم تحي من وكت
ماكدر ابقى هناك هواي يم الكعبة لان
زخم قوي كلش وصايم اتعب والله
ف اترجاكم مو من ارجع للعراق تگلي
ليش مادعيتلي وادعيلي واني تلگاتي
راجع للبيت حتى ماربد احد يزعل مني
ثبتو القناة يمكم ونلتقي يم بيت الله
الحرام الكعبة الشريفة والله يرزقكم
زيارة بيته الحرام وبالنهاية راح اخلي
الكم حساب الانستا راح انزل بي كل
شي اصورة بالمدينة وبالكعبة اصور
الاماكن واشرحلكم هناك عليهن
واصور شغلات حلوة الكم هناك 🕋
حساب الانستا → اول فديو نزلتة
واذا ماعندك انستا هذا تيكتوك
نزلته اضغط هنا →
من اوصل للمدينة راح اصور كل
الاماكن الي ذكرتها والاسعار بلتفصيل💖

وهي وجهالها محترمين نفسهم لكن
كلامي لهذن الي جهالهن ادب سزية
يعني لتجي تكول لتجمع افتهم المن
موجه الكلام واقرا للاخير شنو يسون!
من تجن يم اهلچن جهالجن هرملة وتبقن
وعايفة زوجچ لوحدة حرام ترى ميصير
وجهالها يكونو مو مؤدبين يفشرو.ن
متقبل ولا تقبل تأدبنم ولا هي تأدبهم
وتبقى اسابيع او شهور تاركة زوجها بدون
احساس بدون خجل بدون ذرة مستحى
يعني ميخالف تعالي واهلچ ويرحبون بيچ
بس مو تبقين اكثر من اسبوع ترا الاهل
صح يتحملونچ وتبقين شهر بس صدگيني
والله من تبقين فوگ الاسبوع تصيرين
زوجچ ميتحمل يبقى لوحدة ولا اهلچ
يرضون تعوفين زوجچ وباقية انتي وجهال
ومامربياتهم لو مربيات جهالهن وهادئين
لا والله ابقي شگد متردين لكن تجين
وتجيبين الهوسة وجهالچ مسيبتهم بالبيت
يكسرون الغراض والعياط والعراك والبچي
و اي شي يردون توفرلهم واذا متنطي شي
يضل يبچ واذا تحاچي تمد السانها شطولة
زين هي غير تحس غير تخلي ذرة احساس
وترجع لزوجها خطية عايفتة لوحدة هناك
يجن و يبقن شهر طبيعي جداً عدها
والعتب مو عليها ع رجلها المابي حظ
يعني متگول عيب من اهلها شيگولون
مبقيها يم اهلها اسابيع واشهر والله
وجهالهن يكسرون ويعياط وصياح
ولايصيحن بيهم شنو سالفة يعني گولو
اهلنا هم يردون يرتاحون اجيتي اسبوع
فكري بزوجج فكري باهلج جهالج هيالگ
هسة يجي احد يگول خواتك ومالك حق
وخطية ياعمي انت متخيل بيت بي 15
جاهل وصياح وعياط بعلو صوتهم متخيل
انت ميمدن ايدهن عليهم ولا يصيحن بيهم
ولا يأدبنهم تريد تخابر تريد تنام تريد ترتاح
تريد هدوء من اول ميگعدون لحد الليل
لغوة وعراك وهوسة ومن تحاچيهم يزعلن
فرجاء من تروحين لاهلچ ادبي جهالچ
وثانيا لتبقين اكثر من اسبوع ترا زوجچ
يبقى وحدة هم خطية ويجوز يروح يخونچ
وانتي نايمة يم اهلچ وخلي احساس خلص
هوا اسبوع تشبعين بي شوف من اهلچ
تردين تبقين اكثر ابقي بس ادبي جهالچ
وقبل كلشي فكري بزوجچ منو يطبخلة
منو يمة باقي لوحدة خطية بالبيت شنو!
وجهالچن ادبنهم اضر.بنهم لا كلشي يريد
تنطي الطمي ع حلگة اذا يتنعوص لان هذا
من يكبر راح متكدرين بعد عليه والله
لابنت ولا ولد بس تدللي وتخلي مهيلگ
من الصغر يكبر ويطلع من طورة ويصير
يغلط عليچ وميحترمچ ومياخذ كلامچ
خليچ ام حقيقية مو ام مخربطة ومدللتهم
عبالچ الطفل هيچ يتربى اي شي يريد
تجيبيلة روحي ربي جهالچ علميهم ع ادب
ع هدوء ع اخلاق من يرحون خطار يكونو
محترمين علميهم ع الدين وارجع واكرر
خلو مستحى ولو ذرة مستحى بجيبچ
واحترمو اهلكم خطية يتحملوكم ويسكتون
يستحون يعاتبوكم لاعبالكم متحملين هاي
لغوتكم وجهالكم المستهترين
ميحاچن جهالهن ابد ابد ابد نهائيًا
الله يخليكم ادبو جهالكم ومن تجون
لاهاليكم خليكم محترمين انتو الامهات
رجاءً والله بزعنا من هالحالات التعبانة
احترموا مثل مامحترميكم ومتحمليكم
هذول اهلكم هم يردون يرتاحون شوية
تجين يمهم باقية اسابيع وعايفة بيتج
وعايفة رجلچ لوحدة ونايمة يم اهلج
وياريت من هذن الي جايات مؤدبات
وجهالهن خلوقين اكو بنات والله يجن
لاهلهن الاهل يفرحون لان يحبون جهالهن
مؤدبين خلوقين هادئين من يلعبون گدام
اهلهم يونسوهم وحلوين وبيهم طفولة
لكن تجين انتي وجهالج الي صياح يزرف
الأذن لايخلون واحد ينام ولا واحد يرتاح
واذا تريد تخابر تصعد للسطح لو تطلع برا
ادبو جهالكم لان مستقبلاً ينگلبون ضدكم
والله بالمستقبل يطيحون حضكم بعدين
ولاتزعلن اذا جهالچ هيچ بالعكس روحي
الزميهم وادبيهم علميهم كبري عقلهم
وعيهم ازرعي فكر وتوعية وثقافة براسة
وبالنهاية القناة اذا ممثبتها ثبتها هسة يمك
المواضيع الي تنزل كلها نصيحة وتوعية
مواضيع للشباب للاهل واجتماعية فحتى
من ينزل موضوع يوصلك اول وتقراه
فثبتها هسة من تكمل لاتنسى هالشي
ودزو لاهلكم للمتزوج خل يحسون 🗿
وهذي حساباتي ع تيكتوك وانستا تابعها
انزل بيها محتوى ديني ونصائح أيضاً
شغلات ممنزلها هنا واشياء تخص الدين
راح تستفاد جداً منهم وتنتفع للاخرة
وراح ابدي انزل بيهن بودكاست عن
مواضيع اجتماعية وعن الدين للي
يحب البودكاست ويحب يسمع شي
يغذي سمعة بهذي الايام راح ابلش
بالبودكاست ان شاء الله ينزل ع حسابين
حساب تيكتوك →

حساب الانستا →
وهذي متاجر انشرهن مجانا للي عندة
متجر او قناة تعليمية توعية دراسة قران
يدز رابطها ع بوت تواصل بالوصف خاله
اتصفحوا بهذن القنوات واشتروا منهم
ملابس نسائي ، تراكات بنات تشق
ادعية واذكار ، غسول مرطبات
سشنات لسادس ، نظارات بنات
اذكار وقران ، ثوابة بنات
شغلات للبشرة ، منصة تعليمية
اجر وادعية ، مكياج وعطور
زيوت وعطور ، كريمات
بالنهاية لاتنسى تثبت القناة حتى
من ينزل موضوع جديد يوصلك

قيام الليل هوا التعبد تقيم الليل بالصلاة
والقران الرسول عليه الصلاة والسلام جان
يقيم الليل بركع مختلفة يقيم الليل وبعدها
الشفع والتور شنو يعني الشفع والوتر هسة
نحچيهن أولاً قيام الليل تبدي بيهن كل
ركعتين وحد تبدي من بعد صلاة العشاء
سواء برمضان او بالايام العادية لهنا تمام
ف صلاة قيام الليل ركعتين اول ركعة سورة
الفاتحة وبعدها تقرا من القران ويفضل تبدي
من بداية القران من بعد سورة الفاتحة الي
هي سورة البقرة اذا ماحافظ القران عادي
الزم الموبايل بايدك او القران خلي بصفك
ع ميز ومن تكمل الفاتحة باول ركعة الزم
الموبايل واقرا وبعدها اسجد وكوم للركعة
ثانية أيضاً الفاتحة وياها تكمل قران وين
وصلت بالركعة الاولى وهكذا تكمل وبعدها
تسجد وتتشهد وتسلم وراها تكوم تبدي
بركعتين جدد بس هلمرة تطول اكثر
الرسول جان يطول بالركعات حتى ساعات
اني من اصلي قيام ليل اطول هواي شكد
ماكدر لحد ما اتعب مثلا مو بديت ركعتين
جدد باول ركعة طول 10د وركعة ثانية
هم 10د صارت ركعتين كملت ب20د
وراها تبظي بركعتين بعد وتكول اكثر
كل ركعة مثلا 15د او اذا تكدر اكثر
لحد ماتكمل 8 ركع كل ركعتين وحدة
كل ماتطول اكثر كل ما افضل وتحصل
اجر اكثر لان الرسول كال كل حرف من
القران تحصل عليه 10 حسنات ف انت
هذا كله عداد يعد الك الاف الحسنات
وراها من تكمل 8 ركع قيام الليل تصلي
صلاة الشفع ركعتين ورد عن الرسل
بصلاة الشفع اول ركعة الفاتحة وسورة
الاعلى والركعة الثانية سورة الفاتحة
وسورة الكافرون ، ثم تسجد وتتشهد وتسلم
ثم تكوم تصلي صلاة الوتر الي هي ركعة
واحدة تقرا الفاتحة و قل هوا الله احد
وتسجد وتتشهد وتسلم فقط ركعة 1
ولاتنسى بنهاية كل صلاة تدعي بما تحب
هنا انت تحصل اجر ع صلوات قيام الليل
وتقلد السنن النبوية للرسول لان هذن من
اهم السنن النبوية قيام الليل وبعد شحصلت
حصلت انت جاي تقرا قران يعني اذا كل يوم
تصلي قيام ليل ساعة كاملة فانت هنا خلال
اسبوعين تختم القران او 20 يوم ان شاء الله
وقيام الليل عند السُنة والشيعة يعني هذا
معلية بالسُنة والشيعة حالياً اني شرحتلك
وروح انت أيضاً ابحث اذا تحب او مافهمت
مني او تحب تتعلم من شخص انت تقلدة
او تاخذ بكلامة بعد الي عليه بلغت وياريت
ماتستهينون بهذا الكلام ترا والله نادرا
ناس تكعد تشرحلك اني داشرح المن غير
الك والج علمود شحصل احصل اجر وكذلك
انت افيدك واخليك تحصل اجر والاف من
الحسنات ، واذا تريد تتعلم شغلات اكثر
هاي قناتكم مو قناتي كل الي اريدة هوا
تثبت القناة يمك بالمحادثات المثبة فقط
هذا الشي سوي لان هي القناة الكم مو الي
تفيدكم الكم وكل المنشورات اي منشور
اي كلام ينزل هنا بي فائدة الك يعني ماكو
منشور ينزل بهالقناة عبث لا كل المنشورات
هي بينا نصيحة اتعاض عبرة فخليها گدامك
بالمحادثات ثبتها اول ماتدخل للتي تلطلع
كدامك اول ماينزل منشور يوصلك الك
لان هواي يكولون نتيهه القناة ونبقى ندور
فخليها كدامك و اي موضوع تردون نحجي
بي دزولي ع بوت واتصفحوا فوك بالقناة
راح تلگون مواضيع ع صلاة ع صيام ع اهل
ع دراسة ع تحفيز ع شغل ع العلاقات
مواضيع هواي منزللكم اكعد واقرا بيهن
و اي منشور تحب توجهه لغيرك راح تحصل
بي اجر لان راح تنفعة وهوا هم من يوصلة
يوجهه لغيرة واحد يحب الخير لغيرة
الرسول كال حب لاخيك ما تحب لنفسك
والله يهدينا ويهديكم 🫶🫶
هذا البوت اي شي تحتاجون او سؤال
او موضوع راسلوني وما اقصر
هنا : @Twasnatbot
كذلك متوفر تمويل للقنوات للي
يحب يصعد قناتة هذي العروض
تمويل 200 عضو ب5$
تمويل 420 عضو ب10$
تمويل الف عضو ب25$
طرق الدفع : اسيا ، زينكاش ، ماستر
اكرر التمويل مدفوع وليس مجاني
وكذلك متوفر نشر اعلانات بالقناة
تثبيت اعلانك يوم كامل ب25$
كروبات ما امول رجاءً لان حرام
ولتنسى تثبيت القناة 🌷🌷

ميصيحولي علي دلعي من طفولة مشى عليه
ف ايام چان عندي كومت اصدقاء يجوني
صبح ضهر العصر بالليل لدرجة چان قبل
اهلي يگلولي اكعد 24س سايب بشوارع
هاي احجيلهم ايام جان عمري 13 و 15
بداية المراهقة چانو يجوني وماجان عدنا
موبايلات عدنا هذن ال ام بي ثري ابو 5
الاف نخلي اغاني ويجوني ونطلع لو اروح
الهم حتى همة اهلهم بزعو مني من كد ما
اروح الهم كل شوي اروحلهم لو يجوني
ونطلع نفتر بشوارع نروح للقاعات بليارد
ونراگيل جگاير وهلسوالف التعبانة فعادي
چنت مراهق فچانت ايام حلوة من يجي
صديقي للبيت او اروحلة هاي بحد ذاتها
تسوى هواي اشياء عدت السنين اني صرت
اشتغل وهمة كلمن صار يلتهي شوي شوي
وهذا الي تغير عليه وهذا الي صار مصلحچي
وذاك صار تعبان اخلاقة وذاك ابتعد وذاك
صار ميسئل چنا نطلع 5 هيچ عددنا😔
رغم چانو يعلموني على اشياء موحلوة
الا اني مانكر وفاءهم ومواقفهم الحلوة
بذيج الايام ياما تعاركنا وتضاربنا ونرجع
اقوى من قبل صداقتنا رغم مراهقين چنا
الا احنا چنا جماعة وچنت اني اقودهم
ومن اكللهم شي ينفذو واذا زعلت او وكفت
الكل يوكف اكعد الكل يكعد جانو يحبوني
ويحترموني رغم كتلكم عدهم سوالف
موحلوة بعدها عدت السنين من كلمن
اختلف وابتعد واتغير ورا كذا سنة سمعت
هذاك تزوج وذاك هم تزوج وذاك كلية
وذاك اتعين ورا 7 سنوات هيچ صرنا نتلاگة
بالشارع يسلمون عليه واسلم عليهم ع ماشي
احنا ودنمشي فات من يمي هلو علوك هلو
حسن مانوكف ولا نسلم واحد يبوس اللاخ
لا سلام سطحي كانما غرباء گلت مع الاسف
وچنت انقهر كل ما واحد منهم يمر من يمي
ويگلي بس هلو علوك ويروح ابقى اباوعلة
واگول بگلبي حسافة چنا 24س نطلع سوا
چنا روح بروح هاي جزاتها هاي تاليتها
اتطشرنا 2 منهم اتزوجو ونسوانهم تتحكم
بيهم ميطلعون ولا يراسلون قبل ماكو
موبايلات يجوني واجيهم هسة موبايلات
ونت ورسالة ميدزولي لعد خلب انطيكم
الاقوى منها والله العظيم اني ابادر واراسل
بيهم وميفتحون رسالتي والله العظيم احلف
ومرات اكلهم خلي نطلع خلي نتلاكة يغلسون
صرت اني ابادر لان مشتاق اطلع وياهم
وهمة ميردون ع رسائل لو يغلسون لويكلي
ماشي وچذب والثالث اتزوج والتهى بشغلة
اشوفة يطلع وعندة نت وميجيني ابد
ورابع اعتزل وصار بالبيت مخلصها يلعب
العاب وعلى النت وصار عندة شغلات
موحلوة والخامس اتزوج وشال واختفى
والسادس التهى بدراستة واتعين وصار
تقريبًا سنتين هيج من رجع يراسلني
الله هداه صار يراسلني يجيني مرات
بس هذا تقريبًا مثلي السادس اسمة
مرتضى صرنا نطلع اني ويا ومقهور
اباوع البقية ماكو! صفينا بس اني ويا
وياهوا اصادقة جديد يطلع تعبان اعرف
هسة تكلولب ماصادقت جدد خلي يولون
صادقت هواي هذا يطلع مصلحجي ذاك
لسانه متبري منه واكثرهم الي اصادقهم
مصلحجية ولحد هاي لحظة قبل شوية
خابرني مرتضى وكال خلنطلع نروح
نسافر شوي نغير جو كتله اجلها مو هسة
ومساع طلعت لاكيت مرتضى واكف ويا
واحد من جماعتنا نفسهم واحد من الي
اتزوجو ومرتة تتحكم بي سلمت عليه
صفن ميعرفني بعدين اتذكرني گلي هاي
شصاير بيك گلت بگلبي حقك اذا انت
لاتوصل ولا تسلم ولاتسئل ركب سيارتة
وراح ومرتضى كال هم بعدين نتخابر
راح ويا شفتو بالنت هنا شكد ناس
تعرفني وحساباتي عالية بس والله
ماعندي اصدقاء بالواقع وحتى بالنت
الي بالنت هم كلهم تعبانين وكلهم تركتهم
لان اني هسة اتغيرت والله هداني وصرت
شخص ملتزم نعم عندي اخطاء بسيطة
لكن عقلي تغير واتقربت لله هواي واتعمقت
بالد.ين وماقبل بعد امشي وي صديق يشاقة
بالعر.ض هيج من ا.ختك وهيج من ا.مك
ولسانه زفر لو ع اي شي يكـ.ـفر لو صوته
عالي ويصيح لو همـ..ـجي لو ماعندة فكر
لو تلكاه يدور مكسرات يدور حلوين لو بنات
اني هسة عمري 26 اريد شخص عقلة
ناضج يعرف يحجي كدام الناس ميفشلني
يعرف يسولف سوالف مال شخص ناضج
مو يسولفلي ع بنات وسوالف مراهقين
وبنات وعقلة تعبان ، اني اتغيرت كلش
ولهذا السبب هسة مدالكة ولد ملتزم
ولد ملتزم بصلاتة ولد ميكـ..ـفر ابد
ولا يفشـ..ـر ولامصلحجي ولا مجدي
ولا مخربط ورزن واخلاق ونصوح
ويحب الخيرة الية وينصحني اذا غلطت
مو يغلط وياي لو يشجعني ع الغلط
مو ملطلط مو خفيف ماكو هسة صعبة
هيج تحصل صديق ماكول ماكو بس هسة
الشباب اكثرها انحر.فت ذاك من ذاك تلكاه
ادمي وثگيل ومامخربط هسة اني جنت
مخربط والله هداني والحمدلله عدلت
نفسي وغيرت كلشي بية والفضل لله
ف رسالتي للشباب والله اني جنت مراهق
وطايش ومخربط واد.خن وبنات وملطلط
ودايح 24س جنت تعبان كلش ولكن
كافي مابقى هيچ فهذي رسالة لكل شاب
بي سلبيات يصححها واليوم موعيب
من تغير نفسك وبدل متروح للگهاوي
تروح للمسجد باوقات صلاة بس
العيب من تبقى ع سلبياتك بدل
متكون قدوة گدام اصدقاءك واهلك
ومنطقتك والناس تسولف بيك
وارجع لله لان ع لحظة انت مـ..ـيت
والدنيا فانية وراح اترك لك حسابي
انزل بي اشياء تخص الدين وللاخرة
تابعهن وطبق الي انزلة 🍀
حسابي ع تيكتوك
حسابي ع انستا