كُن قَوي !
كلمةَ تسمَعهـا هواي أو كثير صح ؟ ، تسمَعهـا من تريد تفضفُض لشخُص سواء صَديق أو غَريب ، وتسمَعها من تريد تَحفيز ، وتسمَعهـا من تكون حائر وخائف وَمهموم ومُهلك ، تسمَعهـا من أهلك ومن أصدِقائك ومن أقرِبائك وتسمَعهـا أيضًا من ألغَريب وتسمَعهـا بالمَواقع وبكُل مُكان ! ، زيـن ! عُمرك فَكرت شلـون أصير قَوي ؟ شلـون أكتسب ألقوة ؟ ، شنـو ألخطوات ؟ شلـون أني قَوي ، أنـي راح أجاوبَك ، ألقوةَ هيَ أنتَ ، راح تتعَجب مَعقولة أني قَوي ! ، أنتَ تدري رب ألعالمين كرمَك علىٰ كُل ألمَخلوقات ؟ عَبالك بالنُطق لو بالحَركة ؟ غلطـان كرمَك بالقوة بالعَقل ألقوي ألسَليم الإرادة ألقوية ألاصرار ألمُثابرة ألاجتِهاد ألصبُر المُعاودة وعدَم ألاستِسلام لأي شيء كان ، كُل هذا وتكول أني ضعيف ؟ أنتَ تدري الضعُف كذبة ؟ وألضعُف من صِفات ألشَيطان ! ، أنتَ قَوي بكُل شيء ، أنتَ قوي بدراستَك وتَحديد مَصيرك ، أنتَ قوي بأيمانك بالله تعالىٰ ، أنتَ قوي بأصرارَك ، أنتَ قوي بثباتَك علىٰ شيء يفيدَك ويفيد ألمُجتمع ، أنتَ قوي بعقلك ألوَاعي وأنتَ قوي بثقافتَك ، أنتَ قوي بعمَلك ، أنتَ قوي لتبخَل علىٰ نفسَك بالضعُف ولتسمَح لخطوة من خُطوات ألشَيطان تتغَلب عَليك ، أنتَ قوي بكُل قرار صائب وناجح ، أنتَ قوي من تتوكل علىٰ رب العالمين وتسَلم أمرَك لهُ وتعرُف قيمة نفسَك أهم شيء وتصون كرامتَك وتكون عَزيز نَفس ، هـاي قوتَك أستغلهـا بالاشياء ألجيدةَ لأن أنتَ شيء مُهم وما نوجدت عَبث حاول تركز كُلش زين وتثبـت قوتَك ومُحاولاتك بكُل أمر سواء دِراسة أو عَمل أو عبادة ، وأتذكر رب العالمين يحب الإنسان القوي ألـي يعرُف مصدَر قوتهُ الحقيقية ، وشيء ثاني ترا ماكو أنسان أحسَن من أنسان أخر وماكـو شي أسمة هذا أقوة مني مُجرد هذا الإنسان ألـي أنتَ تشوفةَ ناجح بكُل شيء حاول يعرُف مصدر قوته ألحَقيقي ونجح بهذا ألشيء وشُكرًا ♥️♥️🫧.
