Kitobxona
06.05.202517:00
26.04.202512:46
🔸Reklama xizmati - @kitobxonareklama
15.04.202504:03
❤️❤️❤️❤️❤️❤️❤️❤️❤️
Kitob – bu jinoyat quroli.U sening ichingdagi eski odamni o‘ldiradi, keyin esa seni begunoh, yangi bir mavjudotga aylantiradi. Satrlar pichirlab, xayolingni o‘g‘irlaydi. Oxirida esa jim turadi, go‘yo hech narsa bo‘lmagandek. Lekin sen endi avvalgidek emassan.🌿
O‘sha oddiy jumlalar ichida bir narsa seni buzdi, yoki tuzatdi – o‘zing ham bilmay qolding. Faqat bitta narsa aniq: u betni yopganingda, ichingda nimadir ochiq qoladi. Kitob o‘qib tugatilmadi – u sendan bir qismini olib ketdi.🌿
🍄@kitobxonadan
Kitob – bu jinoyat quroli.U sening ichingdagi eski odamni o‘ldiradi, keyin esa seni begunoh, yangi bir mavjudotga aylantiradi. Satrlar pichirlab, xayolingni o‘g‘irlaydi. Oxirida esa jim turadi, go‘yo hech narsa bo‘lmagandek. Lekin sen endi avvalgidek emassan.🌿
O‘sha oddiy jumlalar ichida bir narsa seni buzdi, yoki tuzatdi – o‘zing ham bilmay qolding. Faqat bitta narsa aniq: u betni yopganingda, ichingda nimadir ochiq qoladi. Kitob o‘qib tugatilmadi – u sendan bir qismini olib ketdi.🌿
🍄@kitobxonadan
11.04.202508:31
#K_52 #mutolaa_2025
Yana bir kitob mutolaasi oʻz nihoyasiga yetdi...
"YOLGʻON". SHAYX MUHAMMAD SODIQ MUHAMMAD YUSUF
Yolgʻon soʻzi arab tilida "Kizb" deyiladi va lugʻatda rostning teskarisini anglatadi. Islom ta'limotlariga koʻra, balgʻotga yetgan har bir insonning barcha ma'naviy jinoyatlari, jumladan zarracha yolgʻoni ham jazosiz qolmaydi. Har bir yolloni nomai a'moliga yozib boriladi va ular uchun qiyomat kuni jazosini albatta oladi. Yolgʻonchi Allohning dushmani hisoblanadi va qiyomatda eng ogʻir azoblar ila jazolanadi. Umuman olganda, ozgina boʻlsa-da, Allohga iymoni mavjud, qiyomatdan umidi bor insonlardan tashkil topgan jamiyatda zarracha yolgʻonga oʻrin qolmaydi.
Yolgʻonchilik — bu haqiqatga zid gapirish, yolgʻon ma’lumot tarqatish yoki birovni ataylab aldashdir. U faqatgina ogʻizdan chiqqan soʻz bilangina emas, balki harakat, sukunat, imo-ishora, yoki yolgʻon guvohlik kabi shakllarda ham namoyon bo‘ladi. Islomda yolgʻonchilik eng ogʻir axloqiy illatlardan biri sifatida baholanadi.
Yolgʻonchilik munofiqlikning birinchi va yetakchi sifatidir. Yolgʻon gapirgan odam munofiqlikning uchdan birini qilgan bõladi. Albatta, yolgʻonchi va'dasida turmaydi, ahdiga vafo qilmaydi. Oqibatda bunday odam toʻliq munofiq bõladi. Munofiqlik esa kofirlikdan ham yomonroqdir. Munofiqlar Qur'oni Karimning ta'biri bilan aytganda, jahannamning eng tōridan joy oladilar.
Yolgʻon gapirish musulmonning axloqiga zid hisoblanadi. Paygʻambarimiz Muhammad sollallohu alayhi vasallam aytganlar: "Mo‘min yolgʻonchi bo‘ladimi?" Dedilar. "Yo‘q!" — deb javob berdilar. Bu hadisdan shunday tushuniladi: mo‘min kishi noto‘g‘ri ish qilishi mumkin, lekin yolgʻon gapirishi mumkin emas, bu gunohi kabiradir.
Yolgʻonchilikning oqibatlari: qalbni qoraytiradi, iymonni zaiflashtiradi, jamiyatda ishonchsizlik paydo qiladi, oilaviy hayot buziladi. Yolgʻon odatga aylansa, halokatga olib boradi. Payg‘ambarimiz aytganlar: "Yolgʻon fosiqlikka, fosiqlik esa do‘zaxga olib boradi." (Imom Buxoriy va Muslim rivoyati.)
Shunday ekan, har bir musulmon kishi yolgʻondan yiroq bo‘lishi, hatto kinoya yoki hazil bilan ham yolgʻon gapirmasligi kerak. Chunki yolgʻon — bu nafaqat so‘zdagi, balki qalbdagi ifloslikdir.
Boshlandi : 11.04.2025
Tugatildi. : 11.04.2025
🍄@kitobxonadan
Yana bir kitob mutolaasi oʻz nihoyasiga yetdi...
"YOLGʻON". SHAYX MUHAMMAD SODIQ MUHAMMAD YUSUF
Yolgʻon soʻzi arab tilida "Kizb" deyiladi va lugʻatda rostning teskarisini anglatadi. Islom ta'limotlariga koʻra, balgʻotga yetgan har bir insonning barcha ma'naviy jinoyatlari, jumladan zarracha yolgʻoni ham jazosiz qolmaydi. Har bir yolloni nomai a'moliga yozib boriladi va ular uchun qiyomat kuni jazosini albatta oladi. Yolgʻonchi Allohning dushmani hisoblanadi va qiyomatda eng ogʻir azoblar ila jazolanadi. Umuman olganda, ozgina boʻlsa-da, Allohga iymoni mavjud, qiyomatdan umidi bor insonlardan tashkil topgan jamiyatda zarracha yolgʻonga oʻrin qolmaydi.
Yolgʻonchilik — bu haqiqatga zid gapirish, yolgʻon ma’lumot tarqatish yoki birovni ataylab aldashdir. U faqatgina ogʻizdan chiqqan soʻz bilangina emas, balki harakat, sukunat, imo-ishora, yoki yolgʻon guvohlik kabi shakllarda ham namoyon bo‘ladi. Islomda yolgʻonchilik eng ogʻir axloqiy illatlardan biri sifatida baholanadi.
Yolgʻonchilik munofiqlikning birinchi va yetakchi sifatidir. Yolgʻon gapirgan odam munofiqlikning uchdan birini qilgan bõladi. Albatta, yolgʻonchi va'dasida turmaydi, ahdiga vafo qilmaydi. Oqibatda bunday odam toʻliq munofiq bõladi. Munofiqlik esa kofirlikdan ham yomonroqdir. Munofiqlar Qur'oni Karimning ta'biri bilan aytganda, jahannamning eng tōridan joy oladilar.
Yolgʻon gapirish musulmonning axloqiga zid hisoblanadi. Paygʻambarimiz Muhammad sollallohu alayhi vasallam aytganlar: "Mo‘min yolgʻonchi bo‘ladimi?" Dedilar. "Yo‘q!" — deb javob berdilar. Bu hadisdan shunday tushuniladi: mo‘min kishi noto‘g‘ri ish qilishi mumkin, lekin yolgʻon gapirishi mumkin emas, bu gunohi kabiradir.
Yolgʻonchilikning oqibatlari: qalbni qoraytiradi, iymonni zaiflashtiradi, jamiyatda ishonchsizlik paydo qiladi, oilaviy hayot buziladi. Yolgʻon odatga aylansa, halokatga olib boradi. Payg‘ambarimiz aytganlar: "Yolgʻon fosiqlikka, fosiqlik esa do‘zaxga olib boradi." (Imom Buxoriy va Muslim rivoyati.)
Shunday ekan, har bir musulmon kishi yolgʻondan yiroq bo‘lishi, hatto kinoya yoki hazil bilan ham yolgʻon gapirmasligi kerak. Chunki yolgʻon — bu nafaqat so‘zdagi, balki qalbdagi ifloslikdir.
Boshlandi : 11.04.2025
Tugatildi. : 11.04.2025
🍄@kitobxonadan
02.05.202519:01
Xattota dugonamni sahifasiga ulanib oldingizmi 😄
18.04.202509:33
#K_57 #mutolaa_2025
Yana bir kitob mutolaasi oʻz nihoyasiga yetdi...
"SAYOHAT". DANIELA STIL.
“Ba’zida ayol sukut saqlaydi. Ammo uning sukuti – baqiriqdan ham balandroq.”
Daniela Stilning “Sayohat” nomli romani – aynan shunday sukutli faryodlar haqida.
Ba'zida hayotimiz tashqaridan mukammal ko‘rinadi. Lavhalar, suratlar, tabassumlar... Biroq qalbdagi sukut, yurakdagi og‘riqni hech kim sezmaydi. Men bugun siz bilan o‘qib nihoyatda ta’sirlangan bir asar haqida so‘zlashmoqchiman — Daniela Stilning “Sayohat” nomli romani.
“Sayohat” asari – bu zo‘ravonlik, mustaqillik, va o‘zini anglash yo‘lidagi ruhiy sayohat haqida. Asarda asosiy qahramon — Medlen Hanter — tashqi tomondan mukammal hayot kechirayotgan, televideniya olamida mashhur jurnalist sifatida tanilgan ayol. Ammo u ichki olamida ruhiy tushkunlik, erining nazoratchiligi va psixologik bosimidan aziyat chekadi.
Romanni o‘qir ekanman, ba’zida to‘xtab, uzoq o‘yga toldim. Chunki bu hikoya menga tanish tuyuldi. Biz ham ba’zida o‘zimizni kuchli ko‘rsatamiz, jilmayamiz, “hammasi joyida” deymiz... Ammo ichkarida – ko‘nglimizda – savollar, og‘riqlar, ishonchsizliklar bor. Biz ham ba’zan o‘zimizni yo‘qotamiz. O‘zimizni topish uchun esa bizga ham “sayohat” kerak bo‘ladi. Nafaqat geografik, balki ruhiy sayohat.
Yozuvchi bu romanida faqat bir ayolning taqdirini emas, minglab ayollarning ichki hayotini, kurashini, o‘zini anglash jarayonini yozadi. U bizni og‘riqli savollarga yuz tutishga majbur qiladi: "Men baxtlimanmi?", "Men aslida kimman?", "Bu hayotim menga tegishlimi yoki menga yuklangan rollar ro‘yxatimi?" Bu savollardan qochish oson, javob berish esa mashaqqatli. Ammo bu kitob bu savollarni berishga undaydi. Va eng muhimi javob topishga kuch beradi.
Medlen oxir-oqibat o‘z yo‘lini tanlaydi. U jismonan emas, balki ruhiy sayohatga chiqadi. Va bu sayohat orqali o‘zini qaytadan topadi. Aynan mana shu holat kitobning eng katta ilhomi. Chunki bu faqatgina bir ayolning emas, har bir insonning, ayniqsa, o‘z ovozini yo‘qotganlarning hikoyasidir.
Boshlandi : 18.04.2025
Tugatildi : 18.04.2025
🍄@kitobxonadan
Yana bir kitob mutolaasi oʻz nihoyasiga yetdi...
"SAYOHAT". DANIELA STIL.
“Ba’zida ayol sukut saqlaydi. Ammo uning sukuti – baqiriqdan ham balandroq.”
Daniela Stilning “Sayohat” nomli romani – aynan shunday sukutli faryodlar haqida.
Ba'zida hayotimiz tashqaridan mukammal ko‘rinadi. Lavhalar, suratlar, tabassumlar... Biroq qalbdagi sukut, yurakdagi og‘riqni hech kim sezmaydi. Men bugun siz bilan o‘qib nihoyatda ta’sirlangan bir asar haqida so‘zlashmoqchiman — Daniela Stilning “Sayohat” nomli romani.
“Sayohat” asari – bu zo‘ravonlik, mustaqillik, va o‘zini anglash yo‘lidagi ruhiy sayohat haqida. Asarda asosiy qahramon — Medlen Hanter — tashqi tomondan mukammal hayot kechirayotgan, televideniya olamida mashhur jurnalist sifatida tanilgan ayol. Ammo u ichki olamida ruhiy tushkunlik, erining nazoratchiligi va psixologik bosimidan aziyat chekadi.
Romanni o‘qir ekanman, ba’zida to‘xtab, uzoq o‘yga toldim. Chunki bu hikoya menga tanish tuyuldi. Biz ham ba’zida o‘zimizni kuchli ko‘rsatamiz, jilmayamiz, “hammasi joyida” deymiz... Ammo ichkarida – ko‘nglimizda – savollar, og‘riqlar, ishonchsizliklar bor. Biz ham ba’zan o‘zimizni yo‘qotamiz. O‘zimizni topish uchun esa bizga ham “sayohat” kerak bo‘ladi. Nafaqat geografik, balki ruhiy sayohat.
Yozuvchi bu romanida faqat bir ayolning taqdirini emas, minglab ayollarning ichki hayotini, kurashini, o‘zini anglash jarayonini yozadi. U bizni og‘riqli savollarga yuz tutishga majbur qiladi: "Men baxtlimanmi?", "Men aslida kimman?", "Bu hayotim menga tegishlimi yoki menga yuklangan rollar ro‘yxatimi?" Bu savollardan qochish oson, javob berish esa mashaqqatli. Ammo bu kitob bu savollarni berishga undaydi. Va eng muhimi javob topishga kuch beradi.
Medlen oxir-oqibat o‘z yo‘lini tanlaydi. U jismonan emas, balki ruhiy sayohatga chiqadi. Va bu sayohat orqali o‘zini qaytadan topadi. Aynan mana shu holat kitobning eng katta ilhomi. Chunki bu faqatgina bir ayolning emas, har bir insonning, ayniqsa, o‘z ovozini yo‘qotganlarning hikoyasidir.
Boshlandi : 18.04.2025
Tugatildi : 18.04.2025
🍄@kitobxonadan
14.04.202507:12
#K_54 #mutolaa_2025
Yana bir kitob mutolaasi oʻz nihoyasiga yetdi...
"ASSALOM QAYGʻU". FRANSUAZA SAGAN
Xayr, qayg‘u!
Assalom, qayg‘u!
Chizg‘isan shiftdagi katakchalarga,
Men sevgan ko‘zlarga yozilib bo‘lgan.
Musibat emassan haliyam butkul,
Rangsiz lablar tabassumi
Fosh qilur seni.
Xo‘sh, salomlar, qayg‘u!
Suyukli jism lar sevgisi,
Muhabbatda qudrat-u,
Kimdagi yuz ochar mehr –
Barida go‘yo betana maxluq misoli
Xam bo‘lgan boshlar-u,
Go‘zal yuz qayg‘u. (Pol Elyuar)
Fransuaza Sagan 1954-yilda, atigi 18 yoshida yozgan “Assalom, qayğu” asari bilan zamonaviy fransuz adabiyotida yangi sahifa ochdi. Asar yosh qizning ruhiy izlanishlari, axloqiy ziddiyatlar va insoniy his-tuyg‘ularning murakkabligini chuqur tasvirlagani bilan ajralib turadi.
Roman voqealari Fransiyaning Rivyera sohilida, yozgi ta’til paytida sodir bo‘ladi. 17 yoshli Syuzanna (Sesil) otasi Raymond bilan birga ta’tilni o‘tkazadi. Raymondning sobiq sevgan ayoli Anna ularning huzuriga keladi. Sesil Annaning mavjudligidan norozi bo‘lib, otasining erkin hayot tarziga tahdid deb biladi va ularning munosabatlarini buzishga urinadi. Bu harakatlar fojiali oqibatlarga olib keladi – Anna halok bo‘ladi. Shu tarzda Sesil ilk bor qayg‘u hisini chuqur anglaydi.
Garchi asarda hali ishq sururini totib koʻrmagan balogʻat yoshidagi qizning kechinmalari tasvirlangan boʻlsada, "Assalom qaygʻu" birinchi galda tuygʻularni asrash, sevgi-muhabbatni tarbiyalash haqida edi, asarning bosh qahramoni aytmish : " Sevgi dunyodagi eng yoqimli, asil narsa. Uni nimaning evaziga sotib olishing muhim emas."
O‘zbekistonlik adabiyotshunos Ozod Sharafiddinov Fransuaza Sagan ijodiga yuqori baho bergan. U Saganning “Ko‘lmak suvda quyosh parchasi” asarini tarjima qilgan va uning asarlaridagi ruhiy teranlikni ta’kidlagan. Sharafiddinovning ilmiy izlanishlari adabiyotni milliy g‘oyalar va adabiy qonuniyatlar asosida tahlil qilishga bag‘ishlangan boʻlib, bu yondashuv Sagan asarlarining tahlilida ham qo‘llanilgan .
Boshlandi : 14.04.2025
Tugatildi : 14.04.2025
🍄@kitobxonadan
Yana bir kitob mutolaasi oʻz nihoyasiga yetdi...
"ASSALOM QAYGʻU". FRANSUAZA SAGAN
Xayr, qayg‘u!
Assalom, qayg‘u!
Chizg‘isan shiftdagi katakchalarga,
Men sevgan ko‘zlarga yozilib bo‘lgan.
Musibat emassan haliyam butkul,
Rangsiz lablar tabassumi
Fosh qilur seni.
Xo‘sh, salomlar, qayg‘u!
Suyukli jism lar sevgisi,
Muhabbatda qudrat-u,
Kimdagi yuz ochar mehr –
Barida go‘yo betana maxluq misoli
Xam bo‘lgan boshlar-u,
Go‘zal yuz qayg‘u. (Pol Elyuar)
Fransuaza Sagan 1954-yilda, atigi 18 yoshida yozgan “Assalom, qayğu” asari bilan zamonaviy fransuz adabiyotida yangi sahifa ochdi. Asar yosh qizning ruhiy izlanishlari, axloqiy ziddiyatlar va insoniy his-tuyg‘ularning murakkabligini chuqur tasvirlagani bilan ajralib turadi.
Roman voqealari Fransiyaning Rivyera sohilida, yozgi ta’til paytida sodir bo‘ladi. 17 yoshli Syuzanna (Sesil) otasi Raymond bilan birga ta’tilni o‘tkazadi. Raymondning sobiq sevgan ayoli Anna ularning huzuriga keladi. Sesil Annaning mavjudligidan norozi bo‘lib, otasining erkin hayot tarziga tahdid deb biladi va ularning munosabatlarini buzishga urinadi. Bu harakatlar fojiali oqibatlarga olib keladi – Anna halok bo‘ladi. Shu tarzda Sesil ilk bor qayg‘u hisini chuqur anglaydi.
Garchi asarda hali ishq sururini totib koʻrmagan balogʻat yoshidagi qizning kechinmalari tasvirlangan boʻlsada, "Assalom qaygʻu" birinchi galda tuygʻularni asrash, sevgi-muhabbatni tarbiyalash haqida edi, asarning bosh qahramoni aytmish : " Sevgi dunyodagi eng yoqimli, asil narsa. Uni nimaning evaziga sotib olishing muhim emas."
O‘zbekistonlik adabiyotshunos Ozod Sharafiddinov Fransuaza Sagan ijodiga yuqori baho bergan. U Saganning “Ko‘lmak suvda quyosh parchasi” asarini tarjima qilgan va uning asarlaridagi ruhiy teranlikni ta’kidlagan. Sharafiddinovning ilmiy izlanishlari adabiyotni milliy g‘oyalar va adabiy qonuniyatlar asosida tahlil qilishga bag‘ishlangan boʻlib, bu yondashuv Sagan asarlarining tahlilida ham qo‘llanilgan .
Boshlandi : 14.04.2025
Tugatildi : 14.04.2025
🍄@kitobxonadan
10.04.202508:44
#K_51 #mutolaa_2025
Yana bir kitob mutolaasi oʻz nihoyasiga yetdi...
"ZULFIQOR". ILHOM SALIMOV
Men kitob oʻqimaydigan odamning hislariga ishonmayman....
@salimov_blogi kanali admining ushbu kitobi meni goh tarixga, goh zamonaviy hayotga, goho dunyoning bir tarafidan, narigi tarafigacha sudrab olib ketdi. Kitoblardan olingan xulosalar, taqrizlar oʻqir ekanman, tamomlagan kitoblarimni yana bir esga oldim. Hali mutolaasiga kirishmaganlarimni esa avvaldan xulosasini koʻzdan kechirib, oʻqishga arzigulik yoki yoʻqligini taxmin qildim. Taqrizlarni koʻzdan kechirib, kitobxonlarning hislari oʻxshash boʻlar ekanda, deya xayolimni oʻtkazdim. Chunki mutolaa davomida olgan hislarim deyarli yozuvchi bilan bir xil edi...
Insonning bilimga tashnaligi o‘zini kutubxonaga aylantirish uchun emas, yaxshiroq insonga aylantirish uchun bo‘lishi kerak. Ya’ni o‘zingizni ma’lumotlar bazasiga aylantirmang. Kitob o‘qishni majburiyat sifatida ko‘rmang. Har kuni falon betdan kitob o‘qishim kerak kabi yuklamalar qo‘ymang o‘zingizga. Barcha yangi asarlar yoki maqtalgan klassikalarni o‘qib chiqishingiz shart emas. Falon yozuvchining falon asarini o‘qiganmisiz, deb so‘rasalar, yo‘q deyishdan uyalmang. Yashayotganimiz iste’molchilikk jarayonida, hamma narsadan foyda chiqarishga qaratilgan hayot tarzida hech bo‘lmasa badiiy adabiyot dam olish uchun, ruhiy tozarish uchungina bo‘lsin. Ruhiyatingiz talab qilgan kitoblarni o‘qing. Hikmat talabga yarasha beriladi, deydi Rumiy. Biz mansabdorroq, boyroq, bilimliroq emas, yaxshiroq odam bo‘lishga harakat qilaverishimiz kerak.
Yaxshi va yomon kitoblar bo‘lishi tabiiy. Har qanday kutubxon umri davomida ozmi-ko‘pmi, har ikkisidanam o‘qib qoladi. Saviyasiz kitob o‘qisam, odatda uni shunchaki unutaman. Biroq ba’zan qattiq asabiylashaman, o‘sha kitob va muallif haqida o‘ta tanqidiy fikr bildiraman. Nega bundayligini o‘ylab qoldim. Ikkita saviyasiz asar; birini o‘qib, yomon asarlar bo‘lishi tabiiy, deb to‘g‘ri qabul qilaman-u, narigisining yomonligidan jig‘ibiyron bo‘laman. Nega? Hammasi kutuvlarga borib taqalarkan. Ya’ni o‘zimga hali notanish bo‘lgan asar haqida boshqalarning fikrimi, tashqi omillarmi, intuitsiyam sabab bo‘lib, o‘sha asardan juda ko‘p narsa kutsam-u, kutganimni topolmay, hafsalam pir bo‘lsa, asabiylashar ekanman. Aynan kutuvim sababli bunday rasvo asar yozgan adibni kechirolmas ekanman.
Kitob o‘qiganlar hayotdan uzilib qoladi, real hayot kitobdan ko‘ra ko‘p narsani o‘rgatadi», deb hisoblovchilar xato qiladigan nuqta ham aynan shu. Barcha kitoblar hayotni tasvirlaydi. Siz kitob o‘qimasangiz, faqat o‘zingizning va umrimgiz davomida sizga yaqin bo‘lgan bir necha kishining hayotingina kuzata olasiz. Va bu shunchaki yuzaki kuzatuv bo‘ladi. Kitoblar orqali esa o‘nlab, yuzlab, minglab insonlarga taqdirdosh bo‘lasiz. Ularning hayotlari, xatolari, shodliklari, qayg‘ulari, tajribalari sizga hayotni chuqur va ko‘lamli tarzda o‘rgatadi.Yaxshi bir kitobni tugatgach, bir muddat xuddi o‘z umringizni yashab o‘tib bo‘lganday bo‘shliqqa tushib qolasiz. Mutolaani tugatganda endi siz mutolaa boshidagi odam emassiz. Har bir yaxshi kitob sizni yetuklashtirib boradi. Endi o‘zingizni ham, odamlarni ham, hayotni ham kechagidan yaxshiroq tushunasiz.
Men yozuvchiga ushbu kitob uchun minnatdorchilik bildirmoqchiman. Agar kitob tanlashga qiynalayotgan boʻlsangiz yoki mutolaa qilishdan avval qisqacha xulosalar bilan tanishmoqchi boʻlsangiz ushbu kitobni oʻqishingizni maslahat bergan boʻlar edim. Chunki bu kitobda taqrizlar, kichik esselar va iqtiboslar jamlangan. Ba'zi kitoblar haqida ma'lumotga ega boʻlishingiz mumkin.
📌 Kitobni xarid qilish uchun.
Boshlandi : 10.04.2025
Tugatildi : 10.04.2025
🍄@kitobxonadan
Yana bir kitob mutolaasi oʻz nihoyasiga yetdi...
"ZULFIQOR". ILHOM SALIMOV
Men kitob oʻqimaydigan odamning hislariga ishonmayman....
@salimov_blogi kanali admining ushbu kitobi meni goh tarixga, goh zamonaviy hayotga, goho dunyoning bir tarafidan, narigi tarafigacha sudrab olib ketdi. Kitoblardan olingan xulosalar, taqrizlar oʻqir ekanman, tamomlagan kitoblarimni yana bir esga oldim. Hali mutolaasiga kirishmaganlarimni esa avvaldan xulosasini koʻzdan kechirib, oʻqishga arzigulik yoki yoʻqligini taxmin qildim. Taqrizlarni koʻzdan kechirib, kitobxonlarning hislari oʻxshash boʻlar ekanda, deya xayolimni oʻtkazdim. Chunki mutolaa davomida olgan hislarim deyarli yozuvchi bilan bir xil edi...
Insonning bilimga tashnaligi o‘zini kutubxonaga aylantirish uchun emas, yaxshiroq insonga aylantirish uchun bo‘lishi kerak. Ya’ni o‘zingizni ma’lumotlar bazasiga aylantirmang. Kitob o‘qishni majburiyat sifatida ko‘rmang. Har kuni falon betdan kitob o‘qishim kerak kabi yuklamalar qo‘ymang o‘zingizga. Barcha yangi asarlar yoki maqtalgan klassikalarni o‘qib chiqishingiz shart emas. Falon yozuvchining falon asarini o‘qiganmisiz, deb so‘rasalar, yo‘q deyishdan uyalmang. Yashayotganimiz iste’molchilikk jarayonida, hamma narsadan foyda chiqarishga qaratilgan hayot tarzida hech bo‘lmasa badiiy adabiyot dam olish uchun, ruhiy tozarish uchungina bo‘lsin. Ruhiyatingiz talab qilgan kitoblarni o‘qing. Hikmat talabga yarasha beriladi, deydi Rumiy. Biz mansabdorroq, boyroq, bilimliroq emas, yaxshiroq odam bo‘lishga harakat qilaverishimiz kerak.
Yaxshi va yomon kitoblar bo‘lishi tabiiy. Har qanday kutubxon umri davomida ozmi-ko‘pmi, har ikkisidanam o‘qib qoladi. Saviyasiz kitob o‘qisam, odatda uni shunchaki unutaman. Biroq ba’zan qattiq asabiylashaman, o‘sha kitob va muallif haqida o‘ta tanqidiy fikr bildiraman. Nega bundayligini o‘ylab qoldim. Ikkita saviyasiz asar; birini o‘qib, yomon asarlar bo‘lishi tabiiy, deb to‘g‘ri qabul qilaman-u, narigisining yomonligidan jig‘ibiyron bo‘laman. Nega? Hammasi kutuvlarga borib taqalarkan. Ya’ni o‘zimga hali notanish bo‘lgan asar haqida boshqalarning fikrimi, tashqi omillarmi, intuitsiyam sabab bo‘lib, o‘sha asardan juda ko‘p narsa kutsam-u, kutganimni topolmay, hafsalam pir bo‘lsa, asabiylashar ekanman. Aynan kutuvim sababli bunday rasvo asar yozgan adibni kechirolmas ekanman.
Kitob o‘qiganlar hayotdan uzilib qoladi, real hayot kitobdan ko‘ra ko‘p narsani o‘rgatadi», deb hisoblovchilar xato qiladigan nuqta ham aynan shu. Barcha kitoblar hayotni tasvirlaydi. Siz kitob o‘qimasangiz, faqat o‘zingizning va umrimgiz davomida sizga yaqin bo‘lgan bir necha kishining hayotingina kuzata olasiz. Va bu shunchaki yuzaki kuzatuv bo‘ladi. Kitoblar orqali esa o‘nlab, yuzlab, minglab insonlarga taqdirdosh bo‘lasiz. Ularning hayotlari, xatolari, shodliklari, qayg‘ulari, tajribalari sizga hayotni chuqur va ko‘lamli tarzda o‘rgatadi.Yaxshi bir kitobni tugatgach, bir muddat xuddi o‘z umringizni yashab o‘tib bo‘lganday bo‘shliqqa tushib qolasiz. Mutolaani tugatganda endi siz mutolaa boshidagi odam emassiz. Har bir yaxshi kitob sizni yetuklashtirib boradi. Endi o‘zingizni ham, odamlarni ham, hayotni ham kechagidan yaxshiroq tushunasiz.
Men yozuvchiga ushbu kitob uchun minnatdorchilik bildirmoqchiman. Agar kitob tanlashga qiynalayotgan boʻlsangiz yoki mutolaa qilishdan avval qisqacha xulosalar bilan tanishmoqchi boʻlsangiz ushbu kitobni oʻqishingizni maslahat bergan boʻlar edim. Chunki bu kitobda taqrizlar, kichik esselar va iqtiboslar jamlangan. Ba'zi kitoblar haqida ma'lumotga ega boʻlishingiz mumkin.
📌 Kitobni xarid qilish uchun.
Boshlandi : 10.04.2025
Tugatildi : 10.04.2025
🍄@kitobxonadan
Reposted from:
Shunchaki...
01.05.202514:11
U anime ko'rmaydigan kam sonli qizlardan edi.
meni aytyapti...
meni aytyapti...
Reposted from:Shunchaki...
16.04.202516:41
Odamlar: Yoqimli harajat deganda nimani tushunasiz?
Men: Kitob sotib olishni...
Men: Kitob sotib olishni...
12.04.202515:05
➖➖➖➖➖➖➖➖➖➖
Eski kitoblarni hidlasang ham ozroq dimog'ingga eski zamon hidi uriladi. Oq-qoralashasan... O'tmish gavdalanadi ko'z oldingda. Tug'ilmagan vaqtlaringni eslaysan...
O'zingdan yoshi katta kitoblarning salobati bosadi. Ularni eng kamida o'lgan odamdek hurmat qilasan... Eng kamida✨
🍄@kitobxonadan
Eski kitoblarni hidlasang ham ozroq dimog'ingga eski zamon hidi uriladi. Oq-qoralashasan... O'tmish gavdalanadi ko'z oldingda. Tug'ilmagan vaqtlaringni eslaysan...
O'zingdan yoshi katta kitoblarning salobati bosadi. Ularni eng kamida o'lgan odamdek hurmat qilasan... Eng kamida✨
🍄@kitobxonadan
26.04.202514:24
Nimadir yozmoqchi boʻlib, 3 soatdan beri qayta-qayta kanalga kirib-chiqayapman. Lekin "nimadir" post kanalga hamon yuborilgani yoʻq...
Bugun kitob mutolaasiga ham qoʻl bormadi. Bu issiq ta'siri boshqacha...
Bugun kitob mutolaasiga ham qoʻl bormadi. Bu issiq ta'siri boshqacha...
16.04.202507:31
#K_55 #mutolaa_2025
Yana bir kitob mutolaasi oʻz nihoyasiga yetdi...
JADID ADABIYOTI NAMOYONDALARI. ABDULLA QODIRIY.
Gʻalati elat bu, g'alati el bu,
Tushunib bo'lmaydi asrorlarini.
Mashrabni osadi va orqasidan
Yig'lab o'qib yurar ashʻorlarini.
Gʻalati elat bu, g'alati el bu,
Botini chirkinlik, zohiri sodda –
O'tkan kunlarini yozgan o'g'lini
Bilmay otib qo'yar Yunusobodda...
❤️❤️❤️❤️❤️❤️❤️❤️❤️❤️❤️❤️❤️
Biz jasorat so‘rar edik. Lekin…jasoratimizning qolg‘an-qutg‘anini ham olmoq muddaosida edilar. Biz so‘z erkinligi so‘rar edik. Lekin tilimizni tek-tugidan kesmoqchi edilar. Jasorat bitkan edi, til kesilgan edi…Yuragimizdagi biroz umidni istisno qilg‘anda, boshqa narsalar yulinib-yulqing‘an edi.
❤️❤️❤️❤️❤️❤️❤️❤️❤️❤️❤️❤️❤️
Men ko‘nglimda bir nur bor deb o‘ylayman—bu nur adabiyotga bo‘lgan muhabbatim, tarixga bo‘lgan hurmatim, va eng avvalo, xalqimning buyuk farzandlari oldidagi qarzimdir. Shu qarzni his qilganimda, yuragimda bir ism charaqlab porlaydi: Abdulla Qodiriy.
U — o‘zbek romanchiligining sarchashmasi, millatimiz ruhiyatini, tarixini va qalbini qog‘ozga to‘kkan fidoyi qalam egasi. 1894-yilning bahoriy tongida, Toshkentning Eskijo‘va mahallasida tug‘ilgan bu ziyo bolasi, keyinchalik millionlab yuraklarda adolat, muhabbat va or-nomus haqida gapirgan ovozga aylandi.
Men u kishining hayotini o‘qiganimda, ko‘z oldimda faqat tarix emas, balki jasorat, fidoyilik va ezgulik bilan yo‘g‘rilgan bir umr gavdalanadi. Yoshligidan boshlab ilm izlagan, arab, fors, rus tillarini o‘rgangan, xalqining og‘irini yengil qilishga harakat qilgan bir inson bu. U nafaqat yozgan, balki har satrida millat ruhini uyg‘otgan.
"O‘tgan kunlar" — men uchun bu oddiy roman emas, bu yurakda titraydigan armon, sevgi va vatanparvarlik asaridir. "Mehrobdan chayon" esa ko‘zlarimga yosh keltirgan, haqiqat uchun jon tikkan adib hayotining aks-sadosidek yangraydi.
Lekin har bir buyuk qalb singari, u ham zulm girdobida qoladi. 1937-yilgi qatag‘onlar, uning qamog‘i, 1938-yilgi o‘limi — bu nafaqat bir insonning, balki millat qalbining yirtilgan daqiqalari edi. Uni otishdi. Ammo o‘sha paytda tirik qolgan qalamining ovozi, asarlari hali-hanuz dillarimizda yashamoqda.
Boshlandi : 16.04.2025
Tugatildi : 16.04.2025
🍄@kitobxonadan
Yana bir kitob mutolaasi oʻz nihoyasiga yetdi...
JADID ADABIYOTI NAMOYONDALARI. ABDULLA QODIRIY.
Gʻalati elat bu, g'alati el bu,
Tushunib bo'lmaydi asrorlarini.
Mashrabni osadi va orqasidan
Yig'lab o'qib yurar ashʻorlarini.
Gʻalati elat bu, g'alati el bu,
Botini chirkinlik, zohiri sodda –
O'tkan kunlarini yozgan o'g'lini
Bilmay otib qo'yar Yunusobodda...
❤️❤️❤️❤️❤️❤️❤️❤️❤️❤️❤️❤️❤️
Biz jasorat so‘rar edik. Lekin…jasoratimizning qolg‘an-qutg‘anini ham olmoq muddaosida edilar. Biz so‘z erkinligi so‘rar edik. Lekin tilimizni tek-tugidan kesmoqchi edilar. Jasorat bitkan edi, til kesilgan edi…Yuragimizdagi biroz umidni istisno qilg‘anda, boshqa narsalar yulinib-yulqing‘an edi.
❤️❤️❤️❤️❤️❤️❤️❤️❤️❤️❤️❤️❤️
Men ko‘nglimda bir nur bor deb o‘ylayman—bu nur adabiyotga bo‘lgan muhabbatim, tarixga bo‘lgan hurmatim, va eng avvalo, xalqimning buyuk farzandlari oldidagi qarzimdir. Shu qarzni his qilganimda, yuragimda bir ism charaqlab porlaydi: Abdulla Qodiriy.
U — o‘zbek romanchiligining sarchashmasi, millatimiz ruhiyatini, tarixini va qalbini qog‘ozga to‘kkan fidoyi qalam egasi. 1894-yilning bahoriy tongida, Toshkentning Eskijo‘va mahallasida tug‘ilgan bu ziyo bolasi, keyinchalik millionlab yuraklarda adolat, muhabbat va or-nomus haqida gapirgan ovozga aylandi.
Men u kishining hayotini o‘qiganimda, ko‘z oldimda faqat tarix emas, balki jasorat, fidoyilik va ezgulik bilan yo‘g‘rilgan bir umr gavdalanadi. Yoshligidan boshlab ilm izlagan, arab, fors, rus tillarini o‘rgangan, xalqining og‘irini yengil qilishga harakat qilgan bir inson bu. U nafaqat yozgan, balki har satrida millat ruhini uyg‘otgan.
"O‘tgan kunlar" — men uchun bu oddiy roman emas, bu yurakda titraydigan armon, sevgi va vatanparvarlik asaridir. "Mehrobdan chayon" esa ko‘zlarimga yosh keltirgan, haqiqat uchun jon tikkan adib hayotining aks-sadosidek yangraydi.
Lekin har bir buyuk qalb singari, u ham zulm girdobida qoladi. 1937-yilgi qatag‘onlar, uning qamog‘i, 1938-yilgi o‘limi — bu nafaqat bir insonning, balki millat qalbining yirtilgan daqiqalari edi. Uni otishdi. Ammo o‘sha paytda tirik qolgan qalamining ovozi, asarlari hali-hanuz dillarimizda yashamoqda.
Boshlandi : 16.04.2025
Tugatildi : 16.04.2025
🍄@kitobxonadan
12.04.202509:08
#K_53 #mutolaa_2025
Yana bir kitob mutolaasi oʻz nihoyasiga yetdi...
"YOʻLCHI YULDUZLAR". ABDUGʻAFUR ISKANDAR.
Osmon toʻla yulduz. Ammo ularning hammasi ham adashgan odamga yoʻl koʻrsatavermaydi. Yoʻl koʻrsatadiganlari boshqacha porlaydi. Ma'lumki, Paygʻambarimiz sollallohu alayhi vasallam sahobalarini yoʻlchi yulduzlarga qiyos etganlar. Ularning eng kattasi, eng porlogʻi, shubhasiz Abu Bakr Siddiqdir. Undan keyin Umar, Usmon, Ali va boshqalar.
Ular insoniyatning axloqi eng goʻzallari, badiiy rang bilan aytadigan boʻlsak, ifor toʻla gullaridir. Har bir sadoqat, jasorat, sahovat, adolat, vafo, taqvo kabi insoniy fazilatlar egasi boʻlishgan. Axloq va ma'rifatda, hilm va ilmda, halollik va rostoʻpylikda ulardan insonlarni dunyo qaytib koʻrgan emas. Insoniyatning gultoji, eng sarasi ana oʻsha zotlardir.
Har bir insonning o‘ziga xos xislati bo‘lgani kabi, sahobalarning ham har biri boshqasinikidan ustunroq, yorqinroq sifat-fazilatga bo‘lgan. U kishilarda ana shu boʻrtib ko‘rinib turgan, odamlar tanigulik laqabi, kunyasi yoki fazilat yaqqol alohida muyassar qilingan edi.
Ular bizga Qur’on hukmlarini qanday tushunishni o‘rgatishdi. Ular Qur’on hukmlariga amal qilish yo‘llarini ko‘rsatishdi. Ular shariat hukmlarini hayotga tatbiq qilish qanday bo‘lishini namoyon etishdi.Ular qanday qilib dunyo matohlariga aldanmaslik, qalbini oxirat diyoriga bog‘lash, nafsni gunohlar yukidan qutqarish mumkin bo‘lishini o‘rgatishdi.
Birodarimiz bilan tortishib qolsak, ana sahobalar hayotiga qaytamiz va xatoyimizni anglab, oramizni isloh qilib olamiz.
Dunyoga berilib, bosar-tusarimizni bilmay qolsak, bu ulug‘ zotlar dunyoni nazarga ilmaganin yuki, etagimizni sal yig‘ishtirishga tushamiz...Xullas, sahobai ikromlarning hayotiga har bir qadamimizda, har bir nafasimizda muhtojlik sezamiz. Ushbu kitobimiz ham ana shu ehtiyoj toshqini ortida dunyoga keldi.
Ular Allohdan qo‘rqish-u yana Uning O‘zidan umidvor bo‘lish, o‘zaro birodarlik, boshqalarni ustunroq afzal bilish, qarindoshlik aloqalarini uzmaslik, xorlangan sha’nlarni ulug‘lash kabi ming-minglab fazilatlarni namoyon etishdi. Bu zotlar Payg‘ambarimiz sollallohu alayhi vasallamning yonida turib, mana shu ulug‘ Dinni barpo qildilar. Hatto u zotlarning xatolari ham biz uchun katta ibratdir...
Butun olamlarning, shuningdek bizning ham Robbimiz boʻlgan Alloh subhanohu va taologa cheksiz-adadsiz hamd-u sanolar bõlsin. U zotning suyumli nabiysi va nabiyimiz Muhammad Mustafo sollallohu alayhi vasallamga, ularning ahli oilasiga, sahobai ikromlarga uzundan-uzun salovat-u salomlar boʻlsin.
Boshlandi : 12.04.2025
Tugatildi : 12.04.2025
🍄@kitobxonadan
Yana bir kitob mutolaasi oʻz nihoyasiga yetdi...
"YOʻLCHI YULDUZLAR". ABDUGʻAFUR ISKANDAR.
Osmon toʻla yulduz. Ammo ularning hammasi ham adashgan odamga yoʻl koʻrsatavermaydi. Yoʻl koʻrsatadiganlari boshqacha porlaydi. Ma'lumki, Paygʻambarimiz sollallohu alayhi vasallam sahobalarini yoʻlchi yulduzlarga qiyos etganlar. Ularning eng kattasi, eng porlogʻi, shubhasiz Abu Bakr Siddiqdir. Undan keyin Umar, Usmon, Ali va boshqalar.
Ular insoniyatning axloqi eng goʻzallari, badiiy rang bilan aytadigan boʻlsak, ifor toʻla gullaridir. Har bir sadoqat, jasorat, sahovat, adolat, vafo, taqvo kabi insoniy fazilatlar egasi boʻlishgan. Axloq va ma'rifatda, hilm va ilmda, halollik va rostoʻpylikda ulardan insonlarni dunyo qaytib koʻrgan emas. Insoniyatning gultoji, eng sarasi ana oʻsha zotlardir.
Har bir insonning o‘ziga xos xislati bo‘lgani kabi, sahobalarning ham har biri boshqasinikidan ustunroq, yorqinroq sifat-fazilatga bo‘lgan. U kishilarda ana shu boʻrtib ko‘rinib turgan, odamlar tanigulik laqabi, kunyasi yoki fazilat yaqqol alohida muyassar qilingan edi.
Ular bizga Qur’on hukmlarini qanday tushunishni o‘rgatishdi. Ular Qur’on hukmlariga amal qilish yo‘llarini ko‘rsatishdi. Ular shariat hukmlarini hayotga tatbiq qilish qanday bo‘lishini namoyon etishdi.Ular qanday qilib dunyo matohlariga aldanmaslik, qalbini oxirat diyoriga bog‘lash, nafsni gunohlar yukidan qutqarish mumkin bo‘lishini o‘rgatishdi.
Birodarimiz bilan tortishib qolsak, ana sahobalar hayotiga qaytamiz va xatoyimizni anglab, oramizni isloh qilib olamiz.
Dunyoga berilib, bosar-tusarimizni bilmay qolsak, bu ulug‘ zotlar dunyoni nazarga ilmaganin yuki, etagimizni sal yig‘ishtirishga tushamiz...Xullas, sahobai ikromlarning hayotiga har bir qadamimizda, har bir nafasimizda muhtojlik sezamiz. Ushbu kitobimiz ham ana shu ehtiyoj toshqini ortida dunyoga keldi.
Ular Allohdan qo‘rqish-u yana Uning O‘zidan umidvor bo‘lish, o‘zaro birodarlik, boshqalarni ustunroq afzal bilish, qarindoshlik aloqalarini uzmaslik, xorlangan sha’nlarni ulug‘lash kabi ming-minglab fazilatlarni namoyon etishdi. Bu zotlar Payg‘ambarimiz sollallohu alayhi vasallamning yonida turib, mana shu ulug‘ Dinni barpo qildilar. Hatto u zotlarning xatolari ham biz uchun katta ibratdir...
Butun olamlarning, shuningdek bizning ham Robbimiz boʻlgan Alloh subhanohu va taologa cheksiz-adadsiz hamd-u sanolar bõlsin. U zotning suyumli nabiysi va nabiyimiz Muhammad Mustafo sollallohu alayhi vasallamga, ularning ahli oilasiga, sahobai ikromlarga uzundan-uzun salovat-u salomlar boʻlsin.
Boshlandi : 12.04.2025
Tugatildi : 12.04.2025
🍄@kitobxonadan
Shown 1 - 14 of 14
Log in to unlock more functionality.