كان عندو استعداد :
يشرحلي بالتفصيل المُمل ،
ليش تأخر عليي بالرد ،
ليش فتح الواتس بساعة كذا ،
ليش حط لوف على بوست مُعين ،
بيسرق من لحظات انشغالو ،
بـِ شغل ليبعتلي اشتقتلك ،
كان معي غير مع الكل ،
والكل بيعرفو بخيل المشاعر والحُب ،
كان حنون مُحب كريم واضح معي ،
وغامض بمشاعرو حتى مع أمهُ و أخواتهُ ،
كان طَفل صغير عفوي معي ،
و رَجال رزين بينهم ،
كان عندو أستعداد يعتذر ويحرق المشكلة ،
ولا يزعلني حتى ولو الحق عليي ،
كان عندو استعداد يسمع نقي للأخر ،
و يحاول يفهم هلوستي ،
كان عندو استعداد ،
يسمع تفاصيل يومي المُمله بأهتمام ،
يسمعني اهتمامو بـِ ڤويس حنون ،
يخليني انسى تعب اليوم كلهُ ،
يستوعب الشي لبدايقني ،
و بيواسيني عليه حتى لو كان تافه ،
حتى لو المشكلة ضفري المكسور ،
أو مو ملاقية شي ألبسو ،
يضّل يزكرني انهُ بحبني ،
و يحكيلي بحبك بعد كل بكرهك ،
ودايماً بيحكيلي عندي استعداد ،
أعمل كلشي كرمالك ،
و بدي حارب ظروفي فيكِ ،
وخليكي ست بيتي ،
كل ما يأست يزكرني انهُ الله كريم ،
كان و ماذال عندو أستعداد ،
يخليني حبهُ بالساعة عن سنة ،
وانا عندي أستعداد حبهُ ،
بكل ساعة و كل سنة🦋🫧.
