اليوم يُوم مُميز، وحابّة قدّروا واعطيه امتنان بكبر الحُبّ بهالدنيا💒! :
1- فقت الفَجر وما كنت نايمة كتير من وجع أنفي (معي جيوب) ، وعم ادرس المادّة واسمع call it what you want لتايلور، وإلّا ماما بتقلّي "الدنيا بيضا قومي شوفي!!" بقوم وبشوف التّلج!!
2. قدّمت منيح بالمَادّة، مع إنّو بنصّ الامتحان اجتني أفكَار مو حلوة وشَغلات لازم عالِجها بس كمّلت وشكرت نفسي لأنّو ما بكيت متل كلّ مرّة قبل بسببهم!
3. رِحت عالمكتبة وكافأت حَالي بكتاب 🤏🏻
4. كوّنت ذكريات حلوة بالتّلج مع رفقاتي واللي بحبهم!
5. سمعت اليوم جُمل حلوة منها : "بحسّ إنّك علبة ألوان، إذا ما حكّيتك ما بتتلوّن حياتي" ، "الحمدلله الله عرّفني عليكي لأنّك مصدر طاقة إيجابيّة" ، "دخيل قلبك قديش بتعطي طاقة إيجابيّة" ، "أنا بحبّك كتير لأنّو ما حدا بعاملني منيح متلك" !!
كلّ هاد ذكّرني بِمين أنا، وإنو أنا مو أفكاري وقلة الرّضا عن نفسي بتنحلّ!
6. كنت ليلي، كنت نفسي، ضحكت وزعلت وابتسمت وحكيت وصوّرت اللي بحبهم!! ، كنت حاسّة بالقُبول عن ذاتي، وكأنّو جدّ روحي وجسمي اتحدّوا لمرّة! لسّا في كتير أشياء حسّنها صحّحها وسامح نفسي عليها، بس بهاد اليوم، مُمتنة كتير لشعوري!
7. رجعلي شغفي بالقَناة وناويّة كلّ الخير فيها🪼!
حبّيت وثّق وشارككم شوي يومي 3>
وورجيكم إنّو بنصّ التّعب والحزن منقدر نحاول نلاحظ شي صغير لطيف وممتنين إلو🦢 ⭑𖤐⭒๋࣭
كونوا بخير، مع كلّ الحبّ🪷
